ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(عبدالرحمنی کوڕی عه‌وف) چی ده‌تگریه‌نێ باوکی محمد ! (به‌شی ٢)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ باشه بۆچی به خێرایی و هه‌نگاونان له‌گه‌ڵ هاوه‌ڵانی پێشینی پێغه‌مبه‌ردا ناچێته ناوی..؟ هه‌ندێك له هاوه‌ڵان ئه‌و قسه‌یه‌ی (عائیشه)یان پێگه‌یاند، هاته‌وه یادی كه
ئه‌و قسه‌یه‌ی زیاد له جارێك له پێغه‌مبه‌ره‌وه (صل الله علیه وسلم) گوێ لێ‌بووه به چه‌ند شێوه‌یه‌ك..
جا به‌ر له‌وه‌ی باره‌كانی بازرگانیه‌كه‌ی بكاته‌وه، هه‌نگاوه‌كانی به ئاراسته‌ی ماڵی (عائیشه) هه‌ڵگرت و پێێ وت: فه‌رمووده‌یه‌كت هێنامه‌وه یاد كه له بیرم نه‌چووه‌ته‌وه..
پاشان وتی:
{به‌ڵام من تۆ ده‌كه‌م به شاهێد كه ئه‌م كاروانه به باره‌كانیه‌وه‌و، به‌و په‌تانه‌ش كه باره‌كانی پێ به‌ستراوه‌ته‌وه‌و، به كۆپانه‌كانیه‌وه، له پێناوی خوای گه‌وره‌دا ده‌به‌خشم}..
ئه‌مجا باری حه‌وت سه‌د وڵاخ له ئاهه‌نگێكی چاكه‌ی مه‌زندا به‌شكرا به‌سه‌ر خه‌ڵكی مه‌دینه و ده‌وروبه‌ریدا..!!
ته‌نها ئه‌م روداوه‌و به‌س، وێنه‌ی ته‌واوی ژیانی ئه‌م هاوه‌ڵه‌ی پێغه‌مبه‌ری(صل الله علیه وسلم) كه (عبدالرحمن ی كوِی عه‌وف) ده‌نوێنێت.
ئه‌و بازرگانێكی سه‌ركه‌وتووه، تا ئه‌وپه‌ڕی سه‌ركه‌وتوویی..
ده‌وڵه‌مه‌ندیشه، زیاتر له ده‌وڵه‌مه‌ندی زۆر گه‌وره..
بڕوادارێكی هۆشمه‌ندیشه و، رازی نابێت شادی و به‌ختی دونیا خۆشی و شادی ئاینه‌كه‌ی ببه‌ن و، ئه‌وه ره‌ت ده‌كاته‌وه كه ده‌وڵه‌مه‌ندییه‌كه‌ی له كاروانی موسڵمانان و پاداشتی به‌هه‌شت دوای بخات..
جا (عبدالرحمن)(ڕه‌زای خوای لێ بێت) سامانه‌كه‌ی به ده‌ستكراوه‌یی و به‌خشنده‌یی و شادیه‌وه ده‌به‌خشێت..!!