ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆی دابەزینی ئایەتی (١) ی سورەتی (الممتحنه) :{ يَا أَيُّهَا الَّذِينَ آمَنُوا لَا تَتَّخِذُوا عَدُوِّي وَعَدُوَّكُمْ أَوْلِيَاءَ تُلْقُونَ إِلَيْهِمْ بِالْمَوَدَّةِ وَقَدْ كَفَرُوا بِمَا جَاءَكُمْ مِنَ الْحَقِّ يُخْرِجُونَ الرَّسُولَ وَإِيَّاكُمْ ۙ أَن }
نوسینى : بورهان موحه‌مه‌د ئه‌مین / ئاماده‌کردنى : چێنه‌ر / ئايه‌ته‌كه:(بخاري) و (مسام) له پێشه‌وا (على) يه‌وه ده‌گێڕنه‌وه, ده‌ڵێت: پێغەمبەرى خوا (صلی الله علیه وسلم) من و (زبير) و (ميقداد) ى (اسود) ى ڕه‌وانه‌كرد و
فه‌رمووى : بڕۆن تا ده‌گه‌نه باخى (خاخ) له‌وێ ئافره‌تێك ده‌بينن كه له سه‌فه‌ردايه, نامه‌يه‌كى پێيه, نامه‌كه‌ى لێ بسه‌نن و خۆشيم بۆ بێنن, ئێمه‌ش ڕۆيشتين تا گه‌يشتينه باخه‌كه, يه‌كسه‌ر ئافره‌ته سه‌فه‌رى يه‌كه‌مان بينى, پێمان وت: نامه‌كه‌ى پێته ده‌رى بهێنه, ئه‌ويش وتى: هيچ نامه‌يه‌كم پێ نييه, ئێمه‌ش وتمان: يا ئه‌وه‌يه نامه‌كه‌مان ئه‌ده‌يتێ يا ئه‌و جل و به‌رگه‌ت له‌به‌ر داده‌كه‌نين, ئه‌ويش نامه‌كه‌ى له‌ناو قژه سه‌ريدا ده‌رهێنا و سه‌يرمانكرد تيايدا نوسرابوو له (حطب) ى كوڕى (أبي بلتعه) بۆ خه‌ڵكانێك له موشريكه‌كان له (مه‌ككه) ... ده‌نگوباسى هه‌ندێك له كاره‌كانى پێغەمبەر(صلی الله علیه وسلم) تێدابوو, پێغەمبەر(صلی الله علیه وسلم) فه‌رمووى : ئه‌مه چى يه ئه‌ى (حاطب) ؟ ئه‌ويش وتى: په‌له‌م لێمه‌كه ئه‌ى پێغەمبەرى خوا (صلی الله علیه وسلم) من كه‌سێكم خۆم به قوڕه‌يشى يه‌كانه‌وه هه‌ڵواسيبوو, گه‌رچى من له‌وان نيم و به‌چه‌شنێ هاوه‌ڵانى تۆ كه هه‌موويان خزميان هه‌يه و به‌هۆى ئه‌و خزمانه‌يانه‌وه به‌رگرى له ماڵ و خێزانيان ده‌كه‌ن له (مه‌ككه), منيش وام پێ باش بوو گه‌ر ئه‌وه‌م نه‌بێ و خزمم نه‌بێ, ئه‌وا شتێكى وه‌ها بكه‌م حالێك مسۆگه‌ر بكه‌م و به‌رگرى بێت له خۆم. ئه‌م كاره كوفر نييه و پاشگه‌زبوونه‌وه‌ش نييه له ئاينه‌كه‌م بێگومان ڕازى بوونيش نييه به كوفر, پێغەمبەرىش (صلی الله علیه وسلم) فه‌رمووى: ڕاست ده‌كات, ده‌رباره‌ى ئه‌ويش ئه‌م ئايه‌ته هاته خواره‌وه :{يَا أَيُّهَا الَّذِينَ آمَنُوا لَا تَتَّخِذُوا عَدُوِّي وَعَدُوَّكُمْ أَوْلِيَاءَ تُلْقُونَ إِلَيْهِمْ بِالْمَوَدَّةِ ..}.