ماڵپەری قورئانی پیرۆز

نووسينى /د.صلاح عبدالفتاح الخالدى //نووسينگه‌ى ته‌فسير ///كاتێك ئەو پیاوە شارۆچكە ڕووخاوەكەی بینی كە داروپەردووی بەسەر یەكتردا تەپیە، خێرا زمانی بەم پرسیارە سەرسوڕهێنە كەوتە گۆ: ئایا تۆ بڵێ‌ی بەم شێوە پرسیاركردنە گومانی لە توانای خوا لەسەر

زیندووكردنەوەی مردووان‌و پێك هێنانەوەی شارۆچكەكەش دوای لەناوچوونی كردبێت؟ ئەی ئایا پاڵنەر‌و سەرچاوەی پرسیاركردنەكەی گومانكردنی بووبێت لە توانا‌و قودرەتی پەروەردگار؟ هەندێك لە ڕاڤەكاران (مفسرین) وایان گوتووە، كە گوایە ئەم گومانەی كردبێت، ئەمەشیان داناوە بە گومان كردنی پیاوەكە لە توانای خوا. وەك زانراویشە، كە گومان كردن لە توانای ڕەها‌و بێ‌سنووری خوا كفر‌و بێ‌باوەڕییە‌و، كابرای گومانكاریش لەوەدی بێ‌باوەڕە، نەك باوەڕدار. ئەی باشە چۆن ئەم پیاوەش -كە بەلای شارۆچكەكەدا تێپەڕیوە- گومانی لە قودرەتی خوا هەبووە - واتە چۆن كافر‌و بێ‌باوەڕ بووە- لە كاتێكدا هەر خودی ئەو ڕاڤەكار‌و تەفسیرنووسانە دەڵێن گوایە ئەوە (عوزەیر) بووە‌و، گوایە پێغەمبەرێكیش بووە؟! بەڵام كۆمەڵی زانایانی تەفسیر لەسەر ئەو ڕایەن، كە پیاوەكە باوەڕدار بووە‌و ئیمانی بەخوا هەبووە‌و ئیمانی بە قودرەتی بێ‌سنووری خواش هەبووە‌و، ئیمانی بە زیندووكردنەوەی مردوانیش هەبووە.