ماڵپەری قورئانی پیرۆز

1/ خوا ئەم پیاوەی بۆ ماوەی سەد ساڵا مراندووە‌و پاشان زیندووی كردۆتەوە، وەك فەرموویەتی:ئەم مراندن‌و زیندووكردنەوەیەشی وەڵامێك بووە بۆ پرسیارەكەی ئەو پیاوە كە گوتبووی:  ئیدی خواش ئەزموونێكی كردەیی (عملی)ی خستە بەرچاوی كابرا‌و ڕاستەوخۆ بەسەر خۆیشیدا پەیڕەو بوو‌و، بەمەش وەڵامی پرسیارەكەی خۆی دەستكەوتەوە، چونكە ئەوەتا بۆ سەد ساڵا مردووە‌و، دواییش زیندوو كراوەتەوە، جا ئەو خوایەی كە ئەم ئەزموونە كردەیی یەی بەسەردا پەیڕەو كردوە، ئەوا لەسەر ژیاندنەوەی شارۆچكەكەش لەدوای تێكچوونی بە توانایە. وەك (سید قطب)یش دەڵێت: "خوا لە وەڵامی پرسیاری كابرادا، تەنها بە (وتن) پێ‌ی نەفەرمووە، كە چۆن ئەو شارۆچكەیە دەژیەنێتەوە، بەڵكو لە جیهانی واقیعدا‌و پیشانی داوە، كە چۆن ژیان بەبەر مردوودا دەكاتەوە، چونكە هەست‌و سۆز‌و سەرسام بوونیش، هەندێك جار لە ڕادەیەكی وەها توندو قووڵا بوونەوەدایە، كە تەنها بە بەڵگەی عەقڵی‌و، تەنانەت (بە لۆژیكی ویژدانی)یش تێر ناكرێت، تەنانەت بەو واقیعە گشتییەی بەرچاوانی خەڵكیش تێر‌و چارەسەر ناكرێت، بەڵكو چارەسەرەكە بە ئەزموون‌و تاقیكردنەوەی شەخسی‌و تایبەتیی ڕاستەوخۆ دەبێت كە هەست‌و نەست‌و تێر‌و پڕ دەكات‌و، دڵیش بە تەواوەتی‌و بەبێ‌ لێدوان هێدی‌و ئارام دەكاتەوە"( ).

2- مردنی گوێدرێژی پیاوەكە‌و مانەوەی ئێسك‌و پروسكی‌و، پەیكەرە ئێسكییەكەشی كە هیچ گۆشت‌و خوێن‌و پێست‌و تووكێكی پێوە نەمابێت، ئەمەش لە فەرمایشتەكەی خواوە وەریدەگرین، كە هەر لە ئایەتەكەی ئەم بەسەرهاتەدا فەرموویەتی:. پاشان خوا ئەم كەرە(گوێدرێژ)ەش بە ڕێگەیەكی لەڕادەبەدەر(معجزە) زیندوو كردۆتەوە‌و خستوێتییە بەر هەردوو چاوی پیاوەكە؛واتە: پاشان بڕوانە بۆ ئێسقانەكانی گوێدرێژەكەت، كە چۆن بەرزیان دەكەینەوە‌و پێكیان دەبەستینەوە‌و، پاشان بە گۆشت دایاندەپۆشین.. بە مانای خوا ئەو پەیكەرە ئێسكییەی كەرەكەی پیشانی پیاوەكە داوە‌و، پاشان پیاوەكە بە چاوی خۆی دیویەتی كە (قۆناغ بە قۆناغ) چۆن خوا بەو قۆناغبەندییە سەرسوڕهێن‌و موعجیزەكارییە، وردەوردە گۆشت دەخاتەوە سەر ئێسكەكان‌و، پاشان دایان دەپۆشێت‌و پێست‌و تووكی بە بەردا دەكاتەوە، تاكو پێكهاتەی جەستەی گوێدرێژەكە تەواو بووە‌و ئەو جەستەیەی پێشووتری خۆی بۆ گەڕاوەتەو. ئنجا خوا گیانیشی بە بەردا كردۆتەوە‌و گیانەكە بە سەرجەم بەشەكانی لاشەی دا سووڕاوەتەوە‌و، ژیانی تێ‌كەوتۆتەوە.

3- نەگۆڕانی خۆراك‌و خواردنەوەكەی، بە درێژایی ماوەی ئەو سەد ساڵە؛  واتە: هەروەها بڕوانە بۆ خۆراك‌و خواردنەوەكەت كە هیچ نەگۆڕاون‌و تێك نەچوون.. چونكە بە هەمان كەڵك‌و بەهای خۆیان مابوونەوە‌و بۆ بەكارهێنان دەستیان دەدا‌و هیچ حاڵەتێكی ڕزین‌و تێكچوونیان تووش نەبووبوو. ئیعجازی بێ‌وێنە‌و درەوشاوەش لەو خواستە خوایی یەدا بۆمان ڕەنگ دەداتەوە، كە بێگومان وەك پێشبینی كردوە-بەگوێرەی دید‌و تێڕوانینی مرۆڤـ- كە ژیانی ئەو پیاوە دەرێژە بكێشێت، بەڵام خوا مراندوویەتی، خۆی‌و كەرەكەشی، وەك پێشبینی كراویشە، كە دەبوایە -هەر بەپێ‌ی تێڕوانینی مرۆڤـ- بە زوویی ئەو خۆراك‌و خواردنەوەیەش تێك بچێت‌و پیس‌و بۆگەن ببن، بەڵام خوا بەچاكی‌و پاكی‌و بەبێ‌ گۆڕان‌و تێك چوون، بۆ ماوەی سەد ساڵا هێشتوونی یەوە‌و پاراستوونی. 

ئیدی پیاوە ئیماندارەكەش، ئیمان‌و باوەڕ‌و بڕواهێنان‌و دڵنیابوونێكی زیاتری دەستكەوتووە، ئەمەش بەهۆی ئەو موعجیزانەوە، كە دیبوونی. بێگومان ئێمەش كاتێك ئەم چیرۆكە لە قورئاندا دەخوێنینەوە‌و لە هەموو جارێكیشدا، كە بەوپەڕی پەرۆشی‌و سەرسامی‌و كارتێكراوییەوە سەرنج لە وێنە‌و دیمەنەكانی دەدەین، باوەڕ‌و یەقین‌و ئیمان‌و دڵنیایی یەكی زیاترمان دەست دەكەوێت، بە تایبەتیش لە كاتی خوێندنەوەی ئەو موعجیزە پڕشنگدارانەی خوا تیاییدا.