ماڵپەری قورئانی پیرۆز

لێرەدا بایەخی باوەڕبوون بە خوای پەروەردگار تێدەگەین. كۆمەڵێك لە توێژەرانی بەریتانی گەیشتونەتە ئەوەی كە باوەڕبوون بە خوا هەستكردن بە ئازار كەم دەكاتەوە. ڕۆژنامەی "دایلی مایل"ی بەریتانی ئاماژەی داوە كە ئەكادیمیەكان لە ناوەندی ئۆكسفۆردی بەریتانیا بۆ زانستە زەینیەكان تاقیكردنەوەیەكیان لەسەر 12 كاسۆلیكی و 12 بێباوەڕ ئەنجامدا بۆ زانینی جۆری مامەڵەیان لەگەڵ ئازاردا لەڕێی بەرخستنیان بۆ لێدانی كارەبایی. دەركەوت كاسۆلیكیەكان توانیان ڕێگری زۆری ئەو ئازارە بكەن كە لێدانە كارەباییەكان دروستیان دەكرد، هەروەها توانای چالاككردنی ئەو بەشەی مێشكیان هەبوو كە پەیوەستە بە كۆنترۆڵكردنی ئازارەوە.

بە چاودێریكردنی بەشی ڕاستی مێشك، توێژەران ئاشكرایان كرد كە  میكانیزمە دەمارییەكانی پەیوەست بە دەستبەسەرداگرتنی ئازار چالاك بووە، بەڵام بێباوەڕەكان مێشكیان هیچ چالاكیەكی پەیوەست بە ئاستەكانی ئازاری بەخۆوە نەبینی و بەدرێژایی ماوەی تاقیكردنەوەكە وەك خۆی مایەوە.

رابمێنن چۆن باوەڕبوون بە خوای مەزن ئارامگریی و توانای بەرگەگرتن بە مرۆڤ دەدات. 

لەڕاستیدا ئیسلام ئاینێكی زۆر بەهێزە، ئەگەر كەسی "باوەڕدار بە خوا" لە ئاینەكانی تردا بەوجۆرە سوود لە باوەڕەكەی وەربگرێت، ئیدی حاڵەكە چۆن دەبێت بۆ موسڵمان كە شوێنكەوتەی ئاینی هەقە؟ بەدڵنیاییەوە دەبێت كاریگەری باوەڕەكەی بە سەد جار بەهێزتر بێت. خۆزگەم خواستووە لە زانا و پزیشكانمان تاقیكردنەوەی هاوشێوەی ئەو تاقیكردنەوانەی كە ڕۆژئاوا ئەنجامی دەدەن لەسەر خەڵكانێكی موسڵمان ئەنجامی بدەن!

لەگەڵمدا تەماشا بكەن چۆن خوای گەورە فەرمانمان بە ئارامگرتن پێدەكات و دڵنیای كردووینەتەوە ئەگەر ئارامگر بین، لەگەڵماندایە، پەروەردگار دەفەرموێت:{وَأَطِيعُوا اللَّهَ وَرَسُولَهُ وَلَا تَنَازَعُوا فَتَفْشَلُوا وَتَذْهَبَ ڕيحُكُمْ وَاصْبِرُوا إِنَّ اللَّهَ مَعَ الصَّابِڕينَ (46)} [الأنفال]، واتە: ئارام بگرن، خوای گەورە لەگەڵ ئارامگراندایە.                                                       

ئایا جوانتر لەوە هەیە لە هەموو ساتێكدا خوا یاوەرت بێت؟ ئایا ئەو هەستە بەس نییە بۆ چارەسەری هەر فشارێكی دەروونی، جۆرەكەی هەرچی و چۆن بێت؟ 

لەگەڵمدا لەم دەقە نایابە ڕابمێنن كە هێز و توانا بە باوەڕدار دەدات بۆ چارەسەری گەورەترین فشارە دەروونییەكان، ئیتر جۆرەكەی هەرچۆن بێت، مادام ئاكام بەهەشت و ڕەزامەندی پەروەردگار دەبێت، خوای گەورە دەفەرموێت:{وَالَّذِينَ صَبَرُوا ابْتِغَاءَ وَجْهِ رَبِّهِمْ وَأَقَامُوا الصَّلَاةَ وَأَنْفَقُوا مِمَّا رَزَقْنَاهُمْ سِرًّا وَعَلَانِيَةً وَيَدْرَءُونَ بِالْحَسَنَةِ السَّيِّئَةَ أُولَئِكَ لَهُمْ عُقْبَى الدَّاڕ (22) جَنَّاتُ عَدْنٍ يَدْخُلُونَهَا وَمَنْ صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ وَالْمَلَائِكَةُ يَدْخُلُونَ عَلَيْهِمْ مِنْ كُلِّ بَابٍ (23) سَلَامٌ عَلَيْكُمْ بِمَا صَبَرْتُمْ فَنِعْمَ عُقْبَى الدَّاڕ (24)} [الرعد]، واتە: ئەوانەش كە دانیان بەخۆدا گرت و بەئارام بوون بۆ بەدەستهێنانی ڕەزامەندیی پەروەردگاریان و نوێژەكەشیان بە چاكی ئەنجام داوە و لەو ڕزق و ڕۆزییەش كە پێمان بەخشیون بەخشیویانە، بە نهێنی و بەئاشكرا و بە چاكەكاری و شێوازی جوان پاڵ بە نادروستی و هەڵە و خراپكاریەوە دەنێن، ئا ئەوانە سەرەنجامەكەیان ئەو خانوبەرە (ڕازاوەیەیە لە بەهەشتدا). كە باخەكانی بەهەشتی –عەدنە- بۆیان ڕازاوەتەوە، بەشادیەوە دەچنە ناوی، هاوڕٍێ‌ لەگەڵ هەر كەسێك چاك و پاك و خواناسە لە باو و باپیران و هاوسەرانیان و نەوەكانیان، جا فریشتەكان لەهەموو دەروازەكانەوە دەچن بۆ سەردانیان. (دەڵێن): سڵاوتان لێبێت بەهۆی خۆگرتنتانەوە، ئای چەندە جێگا و ڕێگایەكی خۆشتان بۆ خۆتان مسۆگەر كرد.