ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
زه‌وی ئاست به‌رز بۆ كشتوكاڵ باشتره
ئاماده‌كردنى /سه‌روه‌ر حه‌سه‌ن: مافى له‌چاپدانه‌وه‌ى پارێزراوه بۆ: نوسينگه‌ي ته‌فسير
په‌روه‌ردگار ده‌فه‌رموێت:{..... كَمَثَلِ جَنَّةٍ بِرَبْوَةٍ أَصَابَهَا وَابِلٌ فَآتَتْ أُكُلَهَا ضِعْفَيْنِ فَإِنْ لَمْ يُصِبْهَا وَابِلٌ فَطَلٌّ وَاللَّهُ بِمَا تَعْمَلُونَ بَصِيرٌ (265)} [البقرة]، واته وه‌ك باخچه‌یه‌ك وایه، له به‌رزاییه‌كدا بێت و بارانێكی دڵۆپ گه‌وره بیگرێته‌وه و ببێته‌هۆى
ئه‌وه‌ی كه دوو به‌رامبه‌ر به‌رهه‌می هه‌بێت،
خۆئه‌گه‌ر بارانی دڵۆپ گه‌وره‌ش نه‌یگرێته‌وه، ئه‌وه نمه‌باران پاراوى ده‌كات.
ئه‌م ئایه‌ته ئاماژه به‌وه ده‌دات زه‌وى به‌رز باشتره بۆ كشتوكاڵ، ڕه‌نگه به‌رهه‌می ئه‌و زه‌وییه دوو هێندى ئه‌و به‌رهه‌مه بێت كه زه‌وى نزم ده‌یدات.
زانستی كشتوكاڵیی نوێ سه‌لماندوویه‌تی هه‌رچه‌ند ئاستی زه‌وى به‌رز بێت، ئاستی ئاوى ژێر زه‌وى نزمتر ده‌بێت، هێنده‌ش كشتوكاڵ و به‌روبووم باشتر ده‌بێت. ئه‌وه‌ش هاوتایی ته‌واو له نێوان زانستی كشتوكاڵیی نوێ و قورئانی پیرۆزدا دووپات ده‌كاته‌وه.
ئه‌گه‌ر زه‌وى به‌رز به‌لێشاو و زۆر ئاودێرى كرا ئه‌وا به‌شی پێویستی خۆى وه‌رده‌گرێت و ئاوه زیاده‌كه‌ش به‌ته‌واوى به زیاد ده‌ڕوات، به‌لاَم ئه‌گه‌ر هاتوو ئاودێرییه‌كی كه‌م كرا ئه‌وا پێویستی خۆى ده‌ست ده‌كه‌وێت بێئه‌وه‌ى ئاو بمێنێته‌وه كه پێویست به خۆ لێ ڕزگاركردن بكات. له‌سه‌ر ئه‌م بنه‌مایه‌یه مه‌سه‌له‌كانی به‌كارهێنانی ئاو بوونه‌ته جێی بایه‌خدان.
له‌و ڕاستییه زانستییانه‌ى ئایه‌ته پیرۆزه‌كه ئاماژه‌ى پێداوه ئه‌وه‌یه كه هۆكارى ئاودێرى ئه‌گه‌ر ڕاسته‌وخۆ له بارانه‌وه بوو، باشتره له ئاودێرى له ڕووبار و ده‌ریاكانه‌وه، چونكه له كه‌شدا ئه‌و ڕه‌گه‌زه ده‌گمه‌نانه هه‌ن كه له‌گه‌ڵ دڵۆپه باریوه‌كاندا ده‌توێنه‌وه، ئه‌وه‌ش ده‌بێته‌هۆى كه‌وتنه‌خواره‌وه‌ى ڕاسته‌وخۆى ئه‌و ماددانه بۆ سه‌ر ڕووه‌كه‌كان و وه‌رگرتنیان له لایه‌ن ڕووه‌كه‌كه‌وه، به‌وه‌ش گه‌شه‌كردنی دوو هێند ده‌بێت.
زنجيره‌ى قورئان و زانست (1)
قورئان و گه‌ردوونناسى له نوسينگه‌ي ته‌فسير