ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هێزی كێشكردنی زه‌وی
ئاماده‌كردنى /سه‌روه‌ر حه‌سه‌ن: مافى له‌چاپدانه‌وه‌ى پارێزراوه بۆ: نوسينگه‌ي ته‌فسير
خواى په‌روه‌ردگار ده‌فه‌رموێت:{أَلَمْ نَجْعَلِ الْأَرْضَ كِفَاتًا (25) أَحْيَاءً وَأَمْوَاتًا (26)} [المرسلات] واته: ئایا ئێمه زه‌ویمان نه‌كردووه به هۆكارى كۆكردنه‌وه، بۆ زیندوان و مردوان؟
ئایه‌ته‌كه ڕوون و ئاشكرایه له بوراى سوپاسكردن و وه‌یادخستنه‌وه‌ى به‌خششدا: ئایائه‌م زه‌وییه‌ى له‌سه‌رى ده‌ژین وه‌هامان لێنه‌كردووه به‌كێش بێت بۆتان
، به‌ڕاده‌یه‌ك كه هه‌موو هۆكاره‌كانى ئارامى و دڵنیایى و جێگیربوونتانى له‌سه‌ر ده‌بیننه‌وه؟ بۆئه‌وه‌ى كه‌س وه‌ها خه‌یاڵ نه‌كات ئه‌م كێشكردن و گردكردنه‌وه‌یه ته‌نها بۆ ئه‌وكاته‌یه كه مرۆڤ له‌دواى مردنى له‌نێو زه‌ویدا ده‌نێژرێت، ئه‌و ڕسته‌یه‌ى له ئایه‌ته‌كه‌دا هاتووه واته به‌جۆرێكمان لێكردووه كێشتان بكات، جا به زیندوویى به‌سه‌ریدا بڕۆن یاخود به مردوویى تیایدا بنێژرێن.
خواى گه‌وره ده‌فه‌رموێت:{أَمَّنْ جَعَلَ الْأَرْضَ قَرَارًا (61)} [النمل} واته: (ئایا ته‌نها ئه‌و زاته نییه) كه زه‌وى دامه‌زراندووه؟
ئه‌م ئایه‌ته ئاماژه به كێشكردنى زه‌وى ده‌دات كه به‌هۆیه‌وه شته‌كان له‌سه‌ر زه‌وى جێگیر و چه‌سپاون و به‌وه‌ش ژیان ئیمكانیه‌تى هه‌یه، گه‌ر ئه‌و سیفه‌تى كێشكردنه‌ى زه‌وى نه‌بوایه ژیان ئه‌سته‌م ده‌بوو.
ئیسحاق نیوتن (1642ز-1727ز) یاساى كێشكردنى گشتى دانا: (هه‌موو دوو ته‌نێك له گه‌ردووندا به هێزێك یه‌كترى كێش ده‌كه‌ن، بڕى ئه‌و هێزه زیادده‌كات به زیادبوونى لێكدانى بارستایى دوو ته‌نه‌كه و كه‌مبوونه‌وه‌ى دووریى نێوانیان (به دووجا)).
ئه‌م بیردۆزه بووه زانستێكى هه‌ستپێكراو كه به‌هۆیه‌وه هه‌ساره‌كان ده‌خولێنه‌وه. له‌وانه‌ش خولانه‌وه‌ى زه‌وى به‌ده‌ورى خۆردا كه تیایدا خۆر هێزى كێشكردنى بۆ سه‌ر زه‌وى هه‌یه و هه‌ر به‌هۆى ئه‌و هێزه‌وه (له‌گه‌ڵ به‌رده‌وامیى جوڵه‌ى زه‌وى) ئه‌و كاره به‌ئاكام ده‌گات.
هه‌ر زانست ده‌ڵێت: ئه‌گه‌ر ئه‌و هێزى كێشكردنه نه‌بێت، مرۆڤ له‌سه‌ر ڕووى زه‌وى به‌رزده‌بێته‌وه (ده‌فڕێت)، هه‌روه‌ك سه‌ر هه‌ندێك له هه‌ساره‌كانى تر كه هێزى كێشكردن كه‌متره.
ئایا ئه‌و به‌دیهێنانه مه‌زن و ورده‌كارییه سه‌رنجڕاكێشه شوێنه‌وارى ڕێكه‌وته؟!
زنجيره‌ى قورئان و زانست (2)
قورئان و گه‌ردوونناسى له نوسينگه‌ي ته‌فسير