ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
خاكیش وه‌ك ووڵاتێك وایه!
ئاماده‌كردنى /سه‌روه‌ر حه‌سه‌ن: مافى له‌چاپدانه‌وه‌ى پارێزراوه بۆ: نوسينگه‌ي ته‌فسير
خواى گه‌وره ده‌فه‌رموێت:{وَالْبَلَدُ الطَّيِّبُ يَخْرُجُ نَبَاتُهُ بِإِذْنِ رَبِّهِ وَالَّذِي خَبُثَ لَا يَخْرُجُ إِلَّا نَكِدًا كَذَلِكَ نُصَڕّفُ الْآيَاتِ لِقَوْمٍ يَشْكُرُونَ (58)} [الأعراف] واته: ولاَتی به‌پیت و چاك و ئاوه‌دان، دار و ڕووه‌كی به فه‌رمانی په‌روه‌ردگارى تێدا ده‌ڕوێت، ئه‌وه‌ش كه زۆنگ و پیس و بێ كه‌ڵك بێت، شتی بێسوود و بێفه‌ڕ نه‌بێت، هیچی لێ په‌یدا نابێت.
خواى په‌روه‌ردگار خاكی به ولاَت ناوبردووه و ئه‌وه‌ش به لوتكه‌ى ئیعجازى زانستی داده‌نرێت، خاك به پێكهاته‌كانیه‌وه هه‌ر وه‌ك ولاَتێكه.
لێكۆڵینه‌وه زانستییه كشتوكاڵییه‌كان سه‌لماندوویانه هه‌ر یه‌ك مه‌تر سێجا له خاك كه بۆ كشتوكاڵ به‌كارده‌هێنرێت (200 هه‌زار) كرم و (100 هه‌زار) مێروو (حشرات) و (300) كرمی ئاسایی خاك و هه‌زاران میكرۆب (زینده‌وه‌رى ورد)ى تێدایه... هه‌موو ئه‌وانه‌ش به چاوى ئاسایی نابینرێن.
هه‌ر گرامێك له‌و خاكه ملیاران به‌كتریا و میكرۆبی تێدایه كه له‌سه‌ر مادده ئه‌ندامییه‌كان ده‌ژین و ده‌یگۆڕن بۆ مادده‌ى كانزایی، به‌درێژایی ساڵ و به‌بێ وه‌ستان ئه‌م كاره ده‌كه‌ن.
بۆ نموونه ئه‌و میكرۆبانه گه‌لاَ وه‌ریوه‌كان ده‌خۆن، ئه‌م كرداره پێویستی به بوونی هه‌وا و ئۆكسجینی نێو خاك هه‌یه، به‌لاَم ده‌بێت ئه‌و هه‌وایه‌ی نێو خاك له‌كوێوه هاتبێت؟
لێره‌دا حیكمه‌تی بوونی كرمه‌كانی خاك ده‌رده‌كه‌ون، چونكه ڕۆڵێكی گرنگ ده‌بینن له كردنه‌وه‌ى كونی زۆر له خاكدا و هه‌وایش لێیانه‌وه ده‌چێته خاكه‌كه‌وه، واته له هه‌واگۆڕكێی خاكدا كرمى زه‌وى به‌شدارى ده‌كات. هه‌روه‌ها سه‌رجه‌م ئه‌و ئاژه‌لاَنه‌ى له خاكدا ده‌ژین وه‌ك مار و مێرووله و دووپشك، كونی زۆر له خاكدا دروست ده‌كه‌ن. جێی سه‌رسامییه بوترێت ئه‌گه‌ر ئه‌و كونانه‌ى نێو خاك نه‌مێنن ڕووه‌ك له‌سه‌ر زه‌وى نامێنێت و ژیانیش كۆتایی دێت.
سه‌رجه‌م ئه‌و زینده‌وه‌رانه‌ى له‌نێو خاكدا هه‌ن وه‌ك ولاَتێكی ئاوه‌دانیان لێكردووه، ئه‌وه‌ش به‌ته‌واوى له‌گه‌ڵ ئایه‌ته‌كه‌دا هاوتا ده‌بێت.
زنجيره‌ى قورئان و زانست (1)
قورئان و گه‌ردوونناسى له نوسينگه‌ي ته‌فسي