ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
باس له‌لایه‌نه باشه‌کانى خۆت بکه
وه‌رگێرانى/فریاد بارزانى
ئاماده‌کردنى/سانا حمدامین
گوێ ڕادێره بۆ شێوه‌ى ئاخاوتنى خه‌ڵکى له‌مه‌ر خۆیان. به‌زۆرى ئه‌م شتانه‌ى خواره‌وه گوێ بیست ده‌بى:
-من باش نیم
-من مرۆڤێکى بێ که‌ڵکم
-پشتم پێ ببه‌سته تا هه‌موو شتێک له بنه‌ڕه‌تدا تێک ده‌م.
-له‌توانامدا نیه ئه‌و کاره ئه‌نجام بده‌م.
ئه‌گه‌ر خه‌ڵکى له‌باره‌ى خۆیانه‌وه, به‌شێوه‌یه‌کى به‌رده‌وام, به‌خراپ بدوێن و ئاستى خۆیان دابه‌زێنن, ئیدى واى لێ دێ ئێمه‌ش وه‌ک ئه‌وان ده‌که‌ین. تۆ ئه‌گه‌ر بته‌وێ بۆ به‌ئه‌نجام گه‌یاندنى پڕۆژه‌یه‌ک داواى هاوکارى و یارمه‌تى له که‌سێک بکه‌ى ئایا داوا له که‌سێک ده‌که‌ى که به‌رده‌وام خۆى به‌بێ که‌ڵک ده‌زانى؟ ئایا پشت به‌و که‌سانه ده‌به‌ستى که ده‌ڵێن کاره‌کان تێک ده‌ده‌ین؟ ئه‌گه‌ر ئێمه خۆمان به‌که‌م بزانین وره‌مان به‌رده‌وام له دابه‌زین دا ده‌بێ له باره‌ى خۆته‌وه به خراپ مه‌دوێ له برى ئه‌وه‌ى لایه‌نه خراپه‌کانت ببینى هه‌وڵ بده لایه‌نه چاکه‌کانت به‌رجه‌سته بکه‌ى. بۆ نمونه:
(هه‌وڵى خۆم ده‌ده‌م) بخه‌ره جێگه‌ى (ناتوانم).
(من به‌رده‌وام سوود و ئه‌زموون له هه‌ڵه‌کانى خۆم وه‌رده‌گرم) بخه‌ره جێگه‌ى (من به‌رده‌وام کاره‌کان تێک و پێک ده‌ده‌م).
(من وا خه‌ریکه باشتر ده‌بم) بخه‌ره جێگه‌ى (من باش نیم).
کاتێ تۆ لایه‌نه چاکه‌کانى خۆت به‌رجه‌سته کردو هێناته به‌ر چاو, ده‌بێته جێگه‌ى ڕێزو ستایشى خۆت و خه‌ڵکانى دیکه که له ئاکامدا وره‌ت به‌رزتر ده‌بێته‌وه