ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
خودامان به‌سه و باشترین پاڵپشته
نوسینى/د.عائض القرنى
ئاماده‌کردنى/سانا حمدامین
واته: (حَسْبُنَا اللَّهُ وَنِعْمَ الْوَكِيلُ)ال عمران/١٧٣ ئه‌م وته‌یه پێغه‌مبه‌ر (ابراهيم) سه‌لامى خوداى لێ بێ فه‌رموى, کاتێ فڕى درایه ناو مه‌نجه‌نیقى ئاگرینه‌وه, ئه‌و ئاگره بۆى بووه جێگه‌یه‌کى فێنک وخۆش. به‌هه‌مان شێوه پێغه‌مبه‌ر صلى الله علیه وسلم فه‌رمووى, کاتێ له جه‌نکى به‌دردا بوون خودا سه‌رى خستن. کاتێ (ابراهيم) خرایه ناو ئاگره‌که جبریل هاته لاى, وتى: پێویستیت به چى هه‌یه؟ ئه‌ویش فه‌رمووى پێویستم به تۆ نیه به‌لآم له خواى گه‌وره داوام هه‌یه.
ده‌ریا سیفه‌تى خنکاندنه, و ئاگر سوتاندنه, به‌لآم ده‌ریا وشک ده‌بێته‌وه, ئاگر داده‌مرکێ و ده‌کوژێته‌وه به وته‌ى (حَسْبُنَا اللَّهُ وَنِعْمَ الْوَكِيلُ)ال عمران/١٧٢ کاتێ(موسا)سه‌لامى خوداى لێ بێ ده‌ریاکه‌ى بینى وا له پێشیه‌تى و دوژمنانیشى وا به دوایه‌وه‌ن, ئه‌وکات به باوه‌ڕدارانى وت(قَالَ كَلَّا إِنَّ مَعِيَ رَبِّي سَيَهْدِينِ)الشعراْ /٦٢ وه‌لآمى پرسیارى ئه‌وان بوو که فیرعه‌ون ده‌مان گرێت, خودا رزگارى کردن, له‌ژیانى پێغه‌مبه‌ر صلى الله علیه وسلم باس کراوه کاتێ پێغه‌مبه‌ر و هاوه‌ڵه‌که‌ى ده‌چنه ناو ئه‌شکه‌وته‌که خودا کۆترێکى خسته خزمه‌ت ئه‌وان و هیلانه‌ى کرد, جاڵجاڵۆکه‌ش ماڵى خۆى له ده‌رگاى چوونه‌ژووره‌وه‌ى ئه‌شکه‌وته‌که دانا, بۆیه بێبڕوایان وتیان: که‌س نه‌چووه‌ته ناو ئه‌م ئه‌شکه‌وته, بۆیه ماڵى جاڵجاڵۆکه‌که نه‌شکاوه. (125) لاوازى هه‌یه له‌م ڕوداوه به‌ڵێ ئه‌مه چاودێریى خودایه, ئه‌گه‌ر مرۆڤ جوان بیرى لێ بکاته‌وه ده‌زانێ خودایه‌ک هه‌یه, ئه‌و کات دڵى مرۆڤ جێگیر ده‌بێ, بۆیه ده‌ڵێ: ئه‌گه‌ر چاودێرى خودا چاودێرت بکات به ئیسراحه‌ت بخه‌وه چونکه ڕوو داوه‌کان هه‌مووى ساده و ئاسان ده‌بن بۆت. خودا ده‌فه‌رموێت: (فانك باعيننا) به‌یه‌ک له پێغه‌مبه‌ران ده‌فه‌رموێ: تۆ له ژێر چاودێریى ئێمه داى یان ده‌فه‌رموێت: (فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ)یوسف/٦٤ واته: خودا باشترین پارێزه‌ره که مرۆڤ ده‌پارێزێ, هه‌ر خوداش به سۆزترینى به سۆزانه.