ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
خوێندنه‌وه له‌ته‌رازووی ئاینی ئیسلامدا....
ئاماده‌کردنى : باوکى سه‌روه‌ر
وه ئاشکرایه له لامان که‌وا یه‌که‌مین ئایه‌تی قورئانی پیرۆز دابه‌زیبێت به (اقرأ) واته (بخويَنة ) ده‌ستی پێکردووه, هه‌روه‌ها گووتراوه ووشه‌ی (قرآن) له زۆر خوێندنه‌وه هاتووه . چه‌ندین ئایه‌ت هه‌ن که گه‌وره‌یی زانست ده‌رده‌خات وه‌ک :- (..وَقُل رَّبِّ زِدْنِي عِلْمًا...) گه ١١٤. واته " داوابکه و بڵی په‌روه‌ردگاره زانست و زانیاریمان زیاد بکه ". ئه‌مه له‌قورئاندا .وه له‌سوننه‌تی پێغه‌مبه‌ری خوا (صلى الله علية وسلم ) دا. پێمان گه‌یشتووه که چۆن ژماره‌یه‌ک له دیله‌کانی بێ بڕوایانی غه‌زای به‌دری ئازاد کرد به‌رامبه‌ر به‌وه‌ی که ژماره‌یه‌ک له منداڵانی موسڵمانان فێری نووسین وخوێندنه‌و بکه‌ن . وه‌فه‌رمووده‌ی (طلب العلم فريضة على كل مسلم ).رواه ابن ماجه. واته " گه‌ڕان و داواکردنی زانست فه‌ڕزه له‌سه‌ر هه‌موو موسڵمانێکی ".
له‌م خاڵانه‌ی خواره‌وه زیاتر ئه‌م راستیه‌مان بۆ ده‌رده‌که‌وێت :
١- ئه‌نجام دانی دینداری به‌نه‌زانی ناکرێت, به‌ڵکو به‌زانسته‌وه ئه‌نجام ده‌درێت (دينداري بريتيةلة:-
يةكةم / سةرةتا زانيني فةرمانةكاني خودا .
دووةم/ جيَ بةجيَ فةرمانةكاني خودا ) .
که‌واته ئه‌گه‌ر زانین نه‌بێت جێ به به‌جێ کردنیش نابێت ,وه‌کو گووتراوه ( اذا كنت لاتعلم مماذا تتقي فكيف تتقي ؟!) واته " ئه‌گه‌ر نه‌زانیت خۆت له چی ده‌پارێزیت چۆن خۆت ده‌پارێزیت ؟!" .
٢-ئه‌قڵ ورۆح و لاشه ئه‌مانه‌تی خودان له لامان .وه ماف دانیان ئه‌رکه له‌سه‌رمان , وه‌مافی ئه‌قڵیش پێدانی زانست و زانیاریه .
٣-بوونی زانست وزانیاری درووست , تێگه‌یشتنی مرۆڤی موسڵمان بۆ ئاینه‌که‌ی راست ودرووست ده‌کات . کاتێک تێگه‌یشتنیش راست و دروست بوو, کرده‌وه‌کانیش راست و دروست ده‌بن .
گرنگی دانی موسڵمان به راست ودروستی کرده‌وه‌وکانی جێگای خۆیه‌تی ,چونکه کرده‌وه‌کان شوێنه‌واریان ده‌مێنێته‌وه له‌پاش مردنی خاوه‌نه‌که‌ی به چاک وخراپیه‌وه . وه‌ک خوای گه‌وره ده‌فه‌رمووێت ((إِنَّا نَحْنُ نُحْيِي الْمَوْتَى وَنَكْتُبُ مَا قَدَّمُوا وَآثَارَهُمْ وَكُلَّ شَيْء أحْصَيْنَاهُ فِي إِمَامٍ مُبِينٍ ) یس /١٢.
. واته " بێ گومان ئێمه مردووه‌کان زیندوو ده‌که‌ینه‌وه هه‌رچی کردوویانه و ده‌یکه‌ن تۆماری ده‌که‌ین له‌گه‌ڵ شوێنه‌واره‌کانیان له کتێبێکی ئاشکرا به وردی ئامار کراوه " . هه‌روه‌ها خوای گه‌وره ده‌فه‌رموێت ((يُنَبَّأُ الْإِنسَانُ يَوْمَئِذٍ بِمَا قَدَّمَ وَأَخَّرَ ) القیامه / ١٣. . واته " له رۆژی دوایی دا ئاده‌میزاد هه‌واڵی کرده‌وه‌ى رابردووی وئاسه‌واری دوای خۆی پێ ده‌درێت " .