ماڵپەری قورئانی پیرۆز

نوسینى  :  د.عائض  عبدالله القرنى

وه‌رگێڕانى : نـه‌وا محمد سعید
سوڕه‌تى فه‌له‌ق
له‌ مه‌ککه‌ دابه‌زیوه‌و پێنج ئایه‌ته‌
بِسْمِ اللهِ الرَّحْمنِ الرَّحِیمِ
به‌ناوى خواى به‌خشنده‌ى میهره‌بان
[ قُلْ أَعُوذُ بِرَبِّ الْفَلَقِ ] [الفلق : 1]
ئه‌ى پێغه‌مبه‌ر! بڵێ: په‌ناده‌گرم و خۆم ده‌پارێزم و خۆم ده‌خه‌مه‌ په‌ناى په‌روه‌ردگارى ئه‌و به‌یانیه‌ى، که‌ له‌ تاریکایی شه‌ودا، له‌تى کردوه‌و هێناویه‌تى.
[ مِن شَڕّ مَا خَلَقَ ] [الفلق : 2]
له‌ خراپه‌ى هه‌مو به‌دیهێنراوێک و، له‌ ئازارى هه‌مو ئه‌وشتانه‌ى، که‌ ئازارده‌رن، چونکه‌ ته‌نها خوا له‌ئازاردان ده‌پارێزێ و، ناهێڵێ بکه‌وێ.

[ وَمِن شَڕّ غَاسِقٍ إِذَا وَقَبَ ]  [الفلق : 3]

له‌شه‌ڕو خراپه‌ى شه‌وى تاریک و نوته‌ک، گه‌ر زه‌وى جیهان به‌تاریکیه‌که‌ى دابپۆشێ، که‌له‌ و تاریکیه‌دا، شتى ترسناک و خراپه‌ و ئازاردانى تێدا به‌دى ده‌کرێ.

[ وَمِن شَڕّ النَّفَّاثَاتِ فِي الْعُقَدِ ]  [الفلق : 4]
له‌شه‌ڕو خراپه‌ى ئه‌و ئافره‌ته‌ جادو گه‌ر و ساحیرانه‌ى، که‌ فو له‌سه‌ر گرێ یه‌ک ده‌که‌ن، به‌مه‌به‌سى له‌به‌رچاوکه‌وتن و شیرین کردنى خه‌ڵکان، که‌ ئه‌و کاره‌ ده‌بێته‌ هۆى ته‌لآقدان و شه‌ڕو زیاندان.
[ وَمِن شَڕّ حَاسِدٍ إِذَا حَسَدَ ]  [الفلق : 5]
هه‌روا له‌شه‌ڕو خراپه‌ى ئه‌وکه‌سه‌ى ئێره‌یی ده‌بات به‌که‌سێک، که‌ نیعمه‌تێکى پێ به‌خشراوه‌، حه‌ز ده‌کات ئه‌وکه‌سه‌ نیعمه‌ته‌که‌ى نه‌مێن

سه‌رجاوه‌

[  التفسیر المیسر  ]

به‌كوردى

جوزئى عه‌ممه‌

چاپى دووه‌م

نوسینگه‌ى ته‌فسیر بۆ بڵاوكردنه‌وه‌و راگه‌یاندن/ هه‌ولێر