ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
كشتوكاڵ به‌ڵگه‌یه‌كى ماددییه له‌سه‌ر زیندووبوونه‌وه
ئاماده‌كردنى /سه‌روه‌ر حه‌سه‌ن: مافى له‌چاپدانه‌وه‌ى پارێزراوه بۆ: نوسينگه‌ي ته‌فسير
خواى گه‌وره ده‌فه‌رموێت:{وَاللَّهُ أَنْزَلَ مِنَ السَّمَاءِ مَاءً فَأَحْيَا بِهِ الْأَرْضَ بَعْدَ مَوْتِهَا إِنَّ فِي ذَلِكَ لَآيَةً لِقَوْمٍ يَسْمَعُونَ (65)} [النحل]، واته: هه‌ر خوا بارانى له ئاسمانه‌وه باراندووه و زه‌وى پىَ زیندوو كردووه‌ته‌وه دواى ئه‌وه‌ى كه مردبوو، به‌ڕاستى ئا له‌و دیارده‌یه‌دا نیشانه و به‌ڵگه‌ى ته‌واو هه‌یه بۆ كه‌سانێك كه گوىَ بۆ ڕاستى ده‌گرن.
یان ده‌فه‌رموێت:{وَمِنْ آيَاتِهِ أَنَّكَ تَرَى الْأَرْضَ خَاشِعَةً فَإِذَا أَنْزَلْنَا عَلَيْهَا الْمَاءَ اهْتَزَّتْ وَرَبَتْ إِنَّ الَّذِي أَحْيَاهَا لَمُحْيِي الْمَوْتَى إِنَّهُ عَلَى كُلِّ شَيْءٍ قَدِيرٌ (39)} [فصلت]، واته: له به‌ڵگه و نیشانه‌كانى خوا ئه‌وه‌یه كه ده‌بینیت زه‌وى كش و ماته، جا كاتێك باران به‌سه‌ریدا ده‌بارێنێت ده‌خرۆشێت و گه‌شه و نه‌شونما ده‌كات، چونكه به‌ڕاستى ئه‌و زاته‌ى كه زه‌وى زیندووكرده‌وه، مردوانیش زیندوو ده‌كاته‌وه، بێگومان ئه‌و خوایه ده‌سه‌لاَتى به‌سه‌ر هه‌موو شتێكدا هه‌یه.
كشتوكاڵ كردارێكه به‌هۆیه‌وه مرۆڤ پیشانى خۆى ده‌دات چۆن خواى مه‌زن زه‌وى له‌دواى مردنى به ئاو زیندووده‌كاته‌وه، كاتێك وشك و زه‌رد هه‌ڵگه‌ڕابوو و هه‌نووكه لێوانلێوانه له ژیان و زینده‌وه‌ران، به‌وجۆره مرۆڤ به‌چاوى خۆى هه‌ندێك دیارده و تواناى خوا ده‌بینێت له به‌دیهێنانى ژیان له زه‌وى مردووه‌وه. مرۆڤیش له خاكى زه‌وى به‌دیهێنراوه، وه‌ك په‌روه‌ردگار ده‌فه‌رموێت:{وَمِنْ آيَاتِهِ أَنْ خَلَقَكُمْ مِنْ تُرَابٍ ثُمَّ إِذَا أَنْتُمْ بَشَرٌ تَنْتَشِرُونَ (20)} [الروم]، واته: له نیشانه و به‌ڵگه‌كانى خوا ئه‌وه‌یه كه ئێوه‌ى له خاك دروستكردووه، دواى بڕینى چه‌ند قۆناغێك كتوپڕ بوونه‌ته مرۆڤێك و بلاَوده‌بنه‌وه به زه‌ویدا.
زانستى نوىَ به شیكاریى جه‌سته‌ى مرۆڤ سه‌لماندوویه‌تى كه له‌شى له‌هه‌مان توخمه‌كانى خاك پێكهاتووه، له‌به‌رئه‌وه ئه‌و زاته‌ى زه‌وى له‌دواى مردنى ده‌ژێنێته‌وه، بێگومان مردووه‌كانیش له‌ڕۆژى قیامه‌تدا زیندوو ده‌كاته‌وه.
به‌مجۆره كشتوكاڵ ده‌بێته به‌ڵگه‌یه‌كى ماددیى له‌سه‌ر زیندووبوونه‌وه‌ى دواى مردن
زنجيره‌ى قورئان و زانست (2)
قورئان و گه‌ردوونناسى له نوسينگه‌ي ته‌فسي