ماڵپەری قورئانی پیرۆز

وه‌رگێرانى/فریاد بارزانى
ئاماده‌کردنى/سانا حمدامین
زۆر جار خه‌ڵکانێک پێیان گووتوم که‌ ئه‌وان ئه‌و کاته‌ى هه‌ست ده‌که‌ن وره‌یان داته‌پیوه‌ تاچ راده‌یه‌ک له‌ خۆیان وه‌رس و بێزار ده‌بن. ئه‌وان به‌هۆى هه‌ڵه‌و هه‌ڵسوکه‌وتى ناڕێک و بێ تواناى یان له‌وه‌رگرتنى بریار لۆمه‌ى خۆیان ده‌که‌ن. کاتێ وره‌مان دابه‌زیوه‌و ئه‌م ره‌فتاره‌ تونده‌ش له‌ خۆمان نیشان ده‌ده‌ین زیاتر تووشى داڕوخان ده‌بین. کاتێک تۆ به‌راستى له‌ رووى ده‌رونیه‌وه‌ له‌ ئاستێکى نزمدایت ئه‌م پرۆژه‌یه‌ ئه‌نجام بده‌ که‌ ده‌بێته‌ مایه‌ى دوورکه‌وتنه‌وه‌ت له‌ ره‌شبینى.

باشترین هاورێى خۆت به‌ وا بزانه‌ تۆ له‌ پێستى خۆت ده‌رچوویته‌ و له‌ته‌ک خۆتدا راوه‌ستاویت زۆر بیر له‌م بابه‌ته‌ مه‌که‌وه‌ سوود له‌ تواناى خه‌یاڵیت وه‌ربگره‌ ئیستا سه‌یرێکى خۆت بکه‌, ژ شتێک ده‌توانى بڵێى که‌وا سوودبه‌خش و هێورکه‌ره‌وه‌ بێت؟ چۆن ده‌توانى ئه‌و که‌سه‌ هان بده‌ى پشت به‌خۆى ببه‌ستێ؟ تۆ چ به‌ باشترین هاورێت ده‌ڵێى؟ له‌وانه‌یه‌ له‌ ئامێزى بگرى و پێى بڵێى ئه‌و به‌ڕاستى کارێکى باشى کردووه‌و نرخ و به‌هاى هه‌موو چالاکیه‌کانى ده‌زانێ.  به‌هه‌مان شێواز له‌گه‌ڵ خۆتدا بدوێ که‌ له‌گه‌ڵ باشترین هاورێت ده‌دوێى. ئه‌م پرۆڤه‌یه‌ زۆر ئاسان و زۆریش کاریگه‌ره‌ باشترین هاورێى خۆت به‌ ئه‌مه‌ ده‌بێته‌ هۆى به‌رزبوونه‌وه‌ى ئاستى وره‌ت.