ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆی دابه‌زین(سبب النزول)چی یه؟ وه سوده‌کانی زانینی چی یه؟..
باوكى سه روه ر
هۆی دابه‌زین (سبب النزول):ـ
بریتیه له‌و روداوه‌ی که ئایه‌ته‌کان دابه‌زیوون وباسیان لێوه کردووه وحوکمه‌که‌یان ڕۆن کردۆته‌وه .
*دابه‌زینی ئایه‌ته‌کان چه‌ند جۆرێکیان هه‌بووه:
١ ـ وه‌کو وه‌ڵامێک بۆ ڕوداوه‌کان/نموونه(تبت يدا أبي لهب وتب ).المسد/١. واته "ده‌سته‌کانی بشکێت ئه‌بو له‌هه‌ب و ریسوا بێت ,ئاشکرایه که هه‌ر ریسواش ده‌بێت و له‌ناوده‌چێت ".
٢ـ وه‌کو وه‌ڵامێک بۆ پرسیارکه‌ران/نموونه (يسألونك عن الساعة أيان مرساها ). واته " پرسیارت لێ ده‌که‌ن ئه‌ی پێغه‌مبه‌ر(صلي الله علية وسلم ) ده‌رباره‌ی قیامه‌ت که که‌ی ؟چ کاتێک به‌رپاده‌بێت " ./النازعات /٤٢
٣ـ دابه‌زینی ئایه‌ته‌کان به‌بێ بوونی ڕوداو یان پرسیار /وه‌ک ئه‌و ئایه‌تانه‌ی که باسی به‌هه‌شت و دۆزه‌خ یان به‌سه‌رهاتی گه‌لانی پێشوو ده‌کات .
* سووده‌کانی زانینی هۆی دابه‌زین
١ ـ بۆ تێگه‌یشتنی مانای ئایه‌ته‌کان به‌شێوه‌یه‌کی ئاسانتر .
٢ ـ شاره‌زابوون له حیکمه‌تی دابه‌زینی ئایه‌ته‌کان(حيكمةتي فةرمانةكاني خوا ). ٣ ـ بۆ تێکه‌ڵاونه‌بوونی ئه‌و که‌سانه‌ی که ئایه‌تیان له سه‌ر دابه‌زیوه جا چ به باش یان به خراپ .
*تێبینى /ده‌شێت که‌وا دابه‌زینی ئایه‌تێک زیاتر له هۆیه‌کی هه‌بێت .هه‌روه‌ها ده‌شێت یه‌ک شت دوو ئایه‌ت یان زیاتری بۆ دابه‌زیبێت .وه‌هه‌روه‌ها یه‌ک ئایه‌ت یان یه‌ک سوره‌ت زیاتر له جارێک دابه‌زیبێت ئه‌مه‌شیان بۆ نیشاندانی گه‌وره‌ییه‌که‌ی .وه‌ک /ئایه‌تی (الروح) .یان سوره‌تی ( الفاتحة والاخلاص ) که دوو جار دابه‌زیوون .