ماڵپەری قورئانی پیرۆز

وه‌رگێرانى/فریاد بارزانى
ئاماده‌کردنى/سانا حمدامین
بیر له‌ شتێک بکه‌وه‌ که‌ پێویستیت به‌ ئه‌نجامدانى به‌لآم له‌به‌ر هه‌ر هۆکارێک ئه‌نجامدانه‌که‌ى دوا ده‌خه‌یت ئێمه‌ به‌ گشتى لیستێکمان هه‌یه‌ له‌و کارانه‌ى به‌رده‌وام بیر له‌ ئه‌نجامدانیان ده‌که‌ینه‌وه‌ به‌لآم له‌ ڕاستیدا هه‌رگیز ئه‌نجامیان ناده‌ین. لیستێک له‌و کارانه‌ ئاماده‌ بکه‌. ئه‌و کارانه‌ى به‌ پێویستیان ده‌زانم ئه‌نجامیان بده‌م.
لیستێکى ته‌واو, هه‌رچه‌نده‌ دوورو درێریش بێ ئاماده‌ى بکه‌. ئێستا شتێک یان کارێک له‌ناو لیسته‌که‌دا هه‌ڵبژێره‌و ئه‌نجامى بده‌.

من گره‌و ده‌که‌م که‌ تۆ هه‌ست به‌وه‌ ده‌که‌یت که‌ له‌ راستیدا کارێکى له‌م چه‌شنه‌ت پێشتر ئه‌نجام داوه‌. له‌وانه‌یه‌ بکه‌وێته‌ بیرتان شتى دیکه‌ بخه‌یته‌ ناو لیسته‌که‌ته‌وه‌ کاتێ ئێمه‌ ده‌زانین کۆمه‌ڵه‌ کارێکمان بۆ ئه‌نجام دان هه‌یه‌ به‌لآم پاساو بۆ ئه‌نجام نه‌دانیان ده‌هێنینه‌وه‌ ده‌ست ده‌که‌ین به‌ ده‌ست دانى ئه‌و رێزه‌ى بۆ خۆمان هه‌یه‌. ئه‌مه‌یش گومانێکمان له‌لا دروست ده‌کات له‌وه‌ى که‌وا ئێمه‌ تواناى ئه‌نجامدانى کاره‌کانى خۆمان نیه‌ و ئه‌و شێوه‌ بیرکردنه‌وه‌یه‌ش تواناى پشت به‌ستن به‌ خۆمان له‌لا سست و لاواز ده‌کات. ئێمه‌ وزه‌یه‌کى زۆر به‌بیرکردنه‌وه‌ بۆ ئه‌نجامدانى هه‌ر کارێک له‌ ده‌ست ده‌ده‌ین و کاره‌که‌یش خۆمان خۆش ناوێت ده‌سا باشتر وایه‌ کاره‌که‌ ئه‌نجام بده‌ین. ئێوه‌ش زۆر ئاسان ده‌توانن ئه‌م ڕێچکه‌یه‌ بگۆڕن. له‌ داهاتوودا ئه‌گه‌ر ویستت به‌خۆت بڵێت به‌راستى ده‌بێ ناو کۆمۆده‌که‌م رێک و پێک بکه‌م, ئه‌و کراسه‌ بدوورم نامه‌یه‌ک بنووسم ئه‌و ئه‌نکێته‌ پڕ که‌مه‌وه‌ ته‌له‌فۆنێک بکه‌م یان باخچه‌که‌م بژار بکه‌م و هتد, بیر له‌ ئه‌نجامدانیان مه‌که‌وه‌ ئه‌نجامیان بده‌.