ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
شاڕه‌گى (حبل الوريد)
نوسینى/سه‌روه‌ر حه‌سه‌ن
ئاماده‌کردنى/سانا حمدامین
خواى گه‌وره له قورئانى پیرۆزدا ده‌فه‌رموێت: (وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَ‌بُ إِلَيْهِ مِنْ حَبْلِ الْوَڕ‌يدِ)ق/١٦ واته: هه‌ر ئێمه‌ین ئاده‌میزادمان دروستکردووه و ده‌زانین چى به‌دڵ و ده‌روونیدا دێ, و ئێمه له‌شاڕه‌گى دڵى (حبل الوريد) لێى نزیکترین. بنه‌ڕه‌تى وه‌سوه‌سه ئه‌و جوڵه یاخود ده‌نگه شاراوانه‌یه که هه‌ستى پێناکرێت و خۆى لێ ده‌پارێزێت...به‌زۆرى وه‌سوه‌سه‌ى ده‌روون ئه‌و گفتوگۆ شاراوه‌یه‌یه که له ده‌روندا ڕووده‌دات و په‌یوه‌ندى ڕاسته‌وخۆى به ژیرى و بیره‌وه هه‌یه و داده‌نرێ به‌ئامێرى گێڕانه‌وه‌ى خودى (جهاز استرجاع ذاتي) یه‌کێکه له ڕووخساره‌کانى سه‌نته‌رى هۆشیارى.
لاى ڕاڤه‌کارانى قورئان (حبل الوريد)که له ئایه‌ته‌که‌دا هاتووه, بۆریه‌کى خوێنه له‌ته‌نیشت قوڕگه‌وه, به‌لآم به‌وردبونه‌وه له‌ئایه‌ته‌که‌ى پێشوو ده‌بینین ئاماژه قورئانییه‌کان زیاتر ئه‌وه‌مان له‌لا دروستده‌که‌ن که مه‌به‌ست له(حبل الوريد)قه‌دى مۆخه (جذع الدماغ) ئه‌گه‌ر بگه‌ڕێینه‌وه بۆ میانه‌ى ئایه‌ته‌که ده‌بینین فریشته‌ى ڕه‌حمان له(حبل الوريد)زیاتر له مرۆڤ نزیکن...خواى گه‌وره‌ش ئاگادارى وه‌سوه‌سه‌یه پێش دروستبوونى و پێش ئه‌وه‌ى بگاته قه‌دى مۆخ و بگۆڕرێ له خاتیره‌و زۆر نزیکتره له مرۆڤ له هۆشیارى و هه‌ست و ئاگادارییه‌کانیشى. ئه‌مه‌ش له خۆیدا ئه‌و په‌یوه‌ندییه ئیعجازیه‌یه که له نێوان کردارى وه‌سوه‌سه‌و (حبل الوريد)دا که مه‌به‌ست له قه‌دى مۆخه له‌گه‌ڵ هه‌موو کرده‌وه‌کاندا هه‌یه. ئه‌مه یه‌کێکى تره له جوانکارى و ورده‌کارییه‌کانى ئایه‌ته‌که.