ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئێسک کارگه‌ى به‌رهه‌مهێنانى خوێنه
نوسینى/سه‌روه‌ر حه‌سه‌ن
ئاماده‌کردنى/سانا حمدامین
قورئانى پیرۆز سه‌دان ساڵ پێش زانست که‌وتوه له دانپێدانانى زیندوویه‌تى ئێسک و بایه‌خى گه‌وره‌ى ئێسک له ئه‌رکه‌کانى مرۆڤدا…له سوره‌تى (مريم)دا زه‌که‌ریا سه‌لامى خواى لێبێ هانا و هاوارى بۆ خواى په‌روه‌ردگار برد که منداڵێکى پێببه‌خشێت, ئه‌گه‌رچى هاوسه‌ره‌که‌شى منداڵى نه‌ده‌بوو و ئێسکه‌کانیشى لاوازبوون, په‌روه‌ردگار ده‌فه‌رموێت: (قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُنْ بِدُعَائِكَ رَبِّ شَقِيًّا)مریم/٤ واته: په‌روه‌ردگارا! به‌ڕاستى من ئێسکه‌کانم لاواز بوون و قژى سه‌رم هه‌رهه‌مووى سپێتى دایگرتووه,
به‌لآم من هه‌رگیز له دوعا و پاڕانه‌وه‌م له زاتى تۆ نائومێد نه‌بووم و ده‌ستت نه‌ناوه به ڕوومه‌وه. له‌م ئایه‌ته پیرۆزه‌دا قورئان باس له‌په‌یوه‌ندى به‌رهه‌مهێنانى منداڵ ده‌کات به ئێسکه‌کانه‌وه. له‌م دوادواییانه‌دا زانست سه‌لملندى که ئێسکه‌کانى کار و ئه‌رکى گرنگیان هه‌یه. به جۆرێک که ژیانى مرۆڤى له‌سه‌ر وه‌ستاوه, ئێسک هه‌موو ئه‌وه‌ى تێدایه که له‌ش پێویستى پێیه‌تى, وه‌ک (فؤسفؤر و كالسيؤم)و کردارى دابه‌شکردنیان ڕێکده‌خات به‌شێوه‌یه‌ک که لێدانه‌کانى دڵ و جوڵه‌ى ماسولکه‌کان ده‌پارێزێ. هه‌روه‌ها ئێسکه‌کان به‌درێژایى ژیانى مرۆڤ و به‌بێ پچڕان خڕۆکه سوور و سپیه‌کان به‌رهه‌مدێنن. وه‌ک زانست پێگه‌یشتوه که حاڵه‌تى ئێسکه‌کان ڕاسته‌وخۆ کارده‌که‌نه سه‌ر کۆئه‌ندامى ده‌مار, له‌به‌رئه‌وه ڕاسته‌وخۆ ده‌چنه نێو تواناى مرۆڤه‌وه بۆ به‌رهه‌مهێنانى منداڵ…هه‌ر ئه‌وه‌شه قوڕئانى پیرۆز ئاماژه‌ى پێداوه.