ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئه‌گه‌ر داواى پاڕانه‌وه‌ت کرد له خودا بکه
نوسینى/د.عائض القرنى
ئاماده‌کردنى/سانا حمدامین
به‌زه‌یى خودا نزیکه, خودا ده‌نگمان ده‌بیستێ به هانامانه‌وه دێت که‌م و کورتییه‌کان له ئێمه‌وه‌یه ئێمه پێویستییه‌کى زۆرمان له‌سه‌ره بۆ ئه‌وه‌ى به ئیلحاحه‌وه بپاڕێینه‌وه ماندوو و هیلاک نه‌بین, هیچ که‌س له ئێمه نه‌ڵێت: پاڕامه‌وه و دوعام کرد و خودا لێى وه‌ر نه‌گرتم. به‌ڵکو نێوچاوانى خۆمان بخه‌ینه خۆڵ هاوار بکه‌ین, خۆمان په‌یوه‌ست بکه‌ین به (يا ذا الجلال والاكرام) واته‌ى: خاوه‌ن ده‌سه‌لآت و ڕێزلێنان. دووباره بکه‌ینه‌وه و به‌و وته‌یه پاڕانه‌وه‌که‌مان ده‌ست پێ بکه‌ین, به ناوه جوانه‌کانى خودا و سیفه‌ته ته‌واوه‌کانى خودا,
هه‌تا خوداى گه‌وره وه‌لآممان ده‌داته‌وه, یان ئه‌وه‌ى بۆ ئێمه باشه بۆمان هه‌ڵبژێرى (ادْعُوا رَ‌بَّكُمْ تَضَرُّ‌عًا وَخُفْيَةً إِنَّهُ لَا يُحِبُّ الْمُعْتَدِينَ)الاعراف/٥٥ بانگه‌وازکارێک ده‌ڵێت: له هه‌ندێ نووسراوه‌کانیدا که مرۆڤێکى موسڵمان ده‌چێته ئه‌و ولآته بێگانه‌وه له وه‌ى ئیقامه‌ى ناده‌نێ و جێى بۆ ناگرێ, هه‌موو ده‌رگاکانى لێ داده‌خرێ هه‌ر ڕێگه‌یه‌ک ده‌گرێته به‌ر بۆئه‌وه‌ى ئه‌و کاره‌ى بۆ ئاسان ببێ به‌لآم بێ سووده, ئه‌چێته لاى کابراى موسڵمانى زانا ئه‌م حاڵه‌ى خۆى بۆ باس ده‌کات ئه‌ویش پێ ده‌ڵێ: کوڕم له سێیه‌کى کۆتایى شه‌ودا نزا و پاڕانه‌وه گیرایه, ئه‌مه‌ش واتاى ئه‌و فه‌رموده‌یه (اذا سألت فأسأل الله واذا استعنت بالله اعلم ان الامة لو اجتمعوا على ان ينفعوك بشيء لم ينفعوك الا بشيء قد الله لك) ئه‌م کابرایه ده‌ڵێ وه‌لآهى وازم نه‌هێنا له شه‌ونوێژکردن هه‌تا خودا به ده‌نگمه‌وه هات و جنسییه‌ى ئه‌و ولآتم وه‌رگرت.