ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
پێناسه‌ى ناوه‌کانى ڕۆژى دوایی له قورئانى پیرۆز ...به‌شى دووه‌م
نوسینى: مه‌لا دلشاد باڵه‌کى
ئاماده‌کردنى : غریب قادر
٦- (الْقَاڕعَةُ ): واتا ئه‌و ڕۆژه‌ى که به هێزى ده‌نگه گه‌وره‌که‌ى دڵه‌کان وه‌ک زه‌نگ و جه‌ڕه‌س دڵه‌کان له ناو سینه‌دا ده‌هه‌ژێنێت و ده‌خاته له‌رزه وه‌ک له سوڕه‌تى القارعه /١-٢-٣ [ الْقَاڕعَةُ (1)مَا الْقَاڕعَةُ (2)وَمَا أَدْرَاكَ مَا الْقَاڕعَةُ (3) ] القارعه ١-٢-٣
واتا : ١ - ئه‌وکاته‌ى دڵه‌کان له ناو سینه‌دا ده‌هه‌ژێت به ڕوداوه‌کانى قیامه‌ت
٢- ئایا ئه‌م دڵ هه‌ژێنه‌ره چیه ؟
٣- چی زانیارى پێدایت سه‌باره‌ت به‌م ڕۆژه .التفسیر المیسر
٧- (يَوْمُ الْفَصْل) : واتا ڕۆژى جیاکردنه‌وه‌ى کرده‌وه‌ى چاک و خراپ هه‌روه‌ها بڕوادار له بێ باوه‌ڕه‌کان هه‌روه‌ها زالم و زولم لێ کراوه‌کان وهه‌روه‌ها جیاکردنه‌وه‌ى خۆشه‌ویستانى خوداو دوژمنانى خوا هه‌روه‌ها هه‌ق و ڕاستى له ناهه‌ق و بیرو باوه‌ڕى هیچ وبه‌تاڵ وه‌ک له سوره‌تى الصافات /٢١ [ هَذَا يَوْمُ الْفَصْلِ الَّذِي كُنتُمْ بِهِ تُكَذِّبُونَ ] الصافات : ٢١
واتا : ئینجا به هه‌ڕه‌شه پێیان ده‌گوترێت ئه‌م ڕۆژى جیاکردنه‌وه‌یه که ئێوه بڕواتان پێى نه‌بوو ، به درۆتان ده‌زانى . ته‌فسیرى ئاسان .
٨-( يَوْمُ الدِّين): واتا ڕۆژى سزاو پاداشت له لایه‌ن خواى گه‌وره بۆ به‌نده‌کانى وه‌ک له سوره‌تى الصافات /٢٠ [ وَقَالُوا يَا وَيْلَنَا هَذَا يَوْمُ الدِّينِ ] الصافات : ٢٠
واتا: ئه‌وسا ده‌ڵێن :ئه‌ى هاوار، ئاخ وئۆف بۆ ئێمه ،ئه‌مه ئیتر ڕۆژى قیامه‌ت و لێپرسینه‌وه‌یه .ته‌فسیری ئاسان
٩- (الطَّامَّةُ الْكُبْرَى): واتا ڕۆژى ترسناک و ڕودانى کاره‌ساتى دڵته‌زێن و ترسناک وه‌ک له سوره‌تى النازعات /٣٤ [ فَإِذَا جَاءتِ الطَّامَّةُ الْكُبْرَى ] النازعات : ٣٤
واتا: ئه‌وکاته‌ى که به‌ڵا گه‌وره‌و ناخۆشه‌که هات ناتوانرێت به هیچ شێوه‌یه‌ک خۆى لێ لابدریت و به سه‌ر هه‌موو شتێکى تر زاڵ ده‌بێت . ته‌فسیرى قورتوبى
١٠- (الصَّاخَّةُ ): واتا ئه‌و ڕۆژه‌ى به‌هۆى ده‌نگه گه‌وره‌که‌ى گوێچکه‌کان کپ ده‌بن وه‌ک له سوره‌تى عبس /٣٣ [ فَإِذَا جَاءتِ الصَّاخَّةُ ] عبس : ٣٣
واتا: ئه‌وکاته‌ى ده‌نگه زۆرگه‌وره‌که‌ى قیامه‌ت دێت گوێچکه‌کان که‌ڕ و کپ ده‌کات .ته‌فسیرى فتح القدیر