ماڵپەری قورئانی پیرۆز

وه‌رگێرانى/فریاد بارزانى
ئاماده‌کردنى/سانا حمدامین
بڕوا به‌خۆ بوون ده‌کرێ توڕه‌مان بکات و دواتر نیشانه‌ فیزیکیه‌کانى توڕه‌بوون تاقى بکه‌ینه‌وه‌ وه‌ک –ئاره‌قه‌ ده‌ردان-سه‌رئێشه‌-وێک هاتنه‌وه‌ى ماسولکه‌کان-هه‌ست به‌ ناساغى کردن و له‌رزین, ته‌نها هه‌ستى نێگه‌تیڤ له‌ ده‌رونماندا ده‌رووژێنێ له‌ راستیدا زۆر گرنگه‌ ئێمه‌ بتوانین خۆمان له‌و هه‌ڵچوون و توڕه‌بوونه‌ رزگاربکه‌ین تاکو بتوانین دووباره‌ به‌ره‌و لوتکه‌ هه‌ڵکشێین رێگایه‌ک بۆ حه‌سانه‌وه‌و زاڵ بوون به‌سه‌ر خۆدا ئه‌وه‌یه‌ که‌ له‌لایه‌نى فیزیکیه‌وه‌ که‌سایه‌تى خۆمان بنیات بنێن له‌سه‌ر بناغه‌یه‌کى پته‌و. ئاراسته‌ى زینى خۆت که‌ به‌ره‌و دڵه‌ راوکێ ده‌تبات بگۆڕه‌.

هه‌ناسه‌ت کۆنترۆڵ بکه‌و تا ده‌توانى هێور به‌ تا ئه‌و کاته‌ى ئارامیه‌ شڵه‌ژاوه‌که‌ت ده‌گه‌ڕێته‌وه‌ دۆخى جارانى به‌ جۆرێک دابنیشه‌ که‌ پشتت قیت و راست بێت و بنه‌پێیه‌کانت به‌ ته‌واوى بکه‌ونه‌ سه‌ر عه‌ردى ژووره‌که‌. چاوه‌کانت بنوقێنه‌ و بزانه‌ پێیه‌کانت له‌گه‌ڵ نێوه‌ندى گۆى زه‌ویدا به‌ستراونه‌ته‌وه‌. هه‌ندێک وا ده‌زانن که‌وا زنجیر پۆلآیین له‌بنى پێیانه‌وه‌ به‌ره‌و نێوه‌راستى زه‌وى ده‌کشێ . هه‌ندێک ئه‌و ره‌گ و ریشانه‌ ده‌بینن که‌ ئه‌وان به‌یه‌که‌وه‌ ده‌به‌ستێته‌وه‌. تۆش له‌هه‌ر خه‌یاڵێک که‌ دێته‌ ناو زه‌ینت سود وه‌ربگره‌ هه‌ناسه‌ى قوڵ هه‌ڵمژه‌و وزه‌ى راکێشى زه‌وى له‌سکته‌وه‌ به‌ره‌و پێیه‌کانت و دواتر په‌یوه‌ندى و به‌ستانى به‌زه‌وییه‌وه‌ هه‌ست پێ بکه‌ هه‌رکات هه‌موو ئه‌وانه‌ت ئه‌نجامدا به‌ هێمنى چاوه‌کانت بکه‌وه‌و بگه‌ڕێوه‌ نێو ژووره‌که‌ت. ئێمه‌ گیان له‌به‌رانى سه‌ر ئه‌م زه‌ویه‌ین و ره‌گ و ریشه‌مان له‌ ژێر ئه‌م خاکه‌یه‌ جارى وا هه‌یه‌ ئێمه‌ سه‌رچاوه‌ى خۆمان له‌بیرده‌که‌ین بۆیه‌ توڕه‌ ده‌بین و هه‌ڵده‌چین و نیگه‌رانى دامانده‌گرێ و ده‌ترسین. زه‌وى به‌رده‌وام ده‌مانپارێزێ ئه‌وه‌ ئێمه‌ین پێویسته‌ په‌یوه‌ندى له‌گه‌ڵدا ساز بکه‌ین.