ماڵپەری قورئانی پیرۆز

 
محمد ملا صالح شاره‌زوورى
ئاماده‌کردنى : هیرش تاهیر
ئه‌گه‌ر به‌ چاوێکی ڕۆشه‌نبیری و ئه‌دیبی یه‌وه‌ سه‌یری فه‌رمووده‌کانی محمد بکه‌ین له‌لایه‌کی تره‌وه‌ ،‌سه‌یرێکی تری قورئان بکه‌ین له‌لایه‌کی تره‌وه‌ زۆر به‌ ئاشکرایی جیاوازی له نێوانیان ده‌رئه‌که‌وێت ... چونکه‌ له‌گه‌ڵ ئه‌وه‌دا که‌ فه‌رمووده‌کانی محمد زۆر قوڵ و پڕمانا و له‌داڕشتنێکی زۆر به‌پێزدا ئه‌بینرێت،به‌ڵام به‌هیچ جۆرێک ناکه‌وته‌ پله‌وپایه‌ی قورئان چ له‌ ڕووی ڕه‌وانبێژی و چ له‌ ڕووی مانای فراوانی و چ له‌هه‌موو ڕووه‌کی تری زانیاری و ئه‌ده‌بی یه‌وه‌ ... هه‌موو ئه‌ده‌ب دۆستێک ئه‌زانێ که‌ یه‌ک ئه‌دیب‌ ناتوانێ دووجۆره‌ نووسراوی هه‌بێت و هه‌ر نووسراوێ خاوه‌نی سروشتێکی تایبه‌تی بێت و جیا جیابن له‌ یه‌کتری .

به‌تایبه‌تی نوسراوێک که‌ له  ماوه‌ی (23)ساڵدا ته‌واو بوبێت به‌پێی کات و شوێن و پێویست دانرابێت وه‌کو قورئان.

سه‌ره‌ڕای ئه‌مانه‌...،له‌ودیوی ووتاره‌کانی محمده‌وه‌ هه‌ست ئه‌کرێ به‌که‌سانی ( شخصیة)ێکی ئاده‌می که‌زۆر جار زه‌بوونی و بێچاره‌یی ڕووی تێ بکات ...به‌ڵام له‌قورئاندا ده‌رئه‌که‌وێ له‌ودیوی ووتاره‌کانیه‌وه‌، که‌سایه‌تی یه‌کی به‌هێزو به‌ده‌سه‌ڵات و بێ پاک و ئاگادارو داد په‌روه‌ر و دانا هه‌یه‌، وه‌ لا وازی خاوه‌نه‌که‌ی به‌هیچ جۆرێک هه‌ست ناکرێت ، ته‌نانه‌ت له‌و شوێنانه‌شیدا که‌جێ ی دڵ نه‌رمی یه‌ ... له‌مه‌و به‌ر ده‌رئه‌که‌وێت که‌ قورئان ئه‌گه‌ر فه‌رمووده‌ی محمد بوایه‌ له‌گه‌ڵ فه‌رمووده‌کانی خۆیدا جیاوازی نه‌ئه‌بوو ... چونکه‌ هه‌موو نووسه‌رێک یه‌ک شێوه‌و ڕێبازو ئاهه‌نگی هه‌یه‌ له‌ نووسیندا ... وه‌هیچ که‌سێک‌ ناتوانێ به‌دوو شێوه‌ بنووسێ به‌جۆرێک له‌یه‌ک نه‌چن ، که‌ئه‌مه‌ گه‌وره‌ترین به‌ڵگه‌یه‌ له‌سه‌ر ئه‌وه‌ی قورئان سرووش(وحی)ی خودایه‌ نه‌ک فه‌رمووده‌ی ئاده‌می.