ماڵپەری قورئانی پیرۆز

کردارى (بدع) له‌ زمانى عه‌ره‌بى دا به‌ماناى هێنانه‌ بوون و به‌دى هێنان دێت , که‌ له‌سه‌ر نموونه‌یه‌کى پێشتر نه‌بووبیت . زه‌وى و ئاسمانه‌کانیش که‌ فراوانى یان سنوورى بۆ نیه‌ , نموونه‌یه‌کن بۆ ئه‌و جوانى یه‌ى که‌ مرۆڤ لێى تێر نابیت . واته‌ ئاسمانه‌کان و زه‌وى ى له‌و به‌دیهێنراوه‌ سه‌یرانه‌ن که‌ له‌ پێشیانه‌وه‌ نموونه‌یه‌کیان لێ به‌دیى نه‌هاتووه‌ . جا له‌به‌ر نه‌بوونى نموونه‌یان له‌وه‌پێش له‌ لایه‌که‌وه‌ و , له‌به‌ر سروشتى مادده‌ بنه‌ره‌تى یه‌که‌یان و شێوه‌ى ئێستایان له‌  له‌ لایه‌کى تره‌وه‌ , یه‌کجار سه‌رنج راکێش و سه‌رسوورهێنه‌رن و , ناشگونجێ له‌ جوانترو دڵرفین تر هه‌بیت و, به‌ ملیاره‌ها ئاماژه‌ى نوورانینى ئاماژه‌ بۆ به‌دیى هێنه‌ر و داهێنه‌ریان ئه‌که‌ن ..

به‌لێ ! زه‌ویى و ئاسمانه‌کان هه‌ر هه‌موویان له‌گه‌ڵ هه‌موو ئه‌و شتانه‌ى که‌وان تیایانا و , هه‌موو جوانى و مه‌زنى یه‌کى دڵرفێن و , هه‌موو نهێنى یه‌کانیان و , به‌و پله‌ى که‌ماله‌ى که‌ که‌مالى تر له‌ ژووریه‌وه‌ نیه‌ و , به‌بێ ناته‌واویى و که‌م و کوورى یه‌ک , له‌لایه‌ن به‌دیى هێنه‌ریانه‌وه‌ به‌ ووشه‌ى ( كن) به‌دیى هێنراون .. ئاسمانه‌کان و زه‌وى ى پارچه‌ نین و له‌ خواى بالآده‌ست جیا بووبنه‌وه‌ و , لێیشى ده‌ر نه‌که‌وتوون , چونکه‌ په‌یوه‌ندیى نێوان بوونه‌وه‌رو داهێنه‌ره‌که‌ى (تبارك وتعالى )په‌یوه‌ندى به‌دیى هێنه‌رو به‌دیى هێنراوه‌وه‌ , واته‌ ئه‌م په‌یوه‌ندىیه‌ لێ بوون , یان لێ ده‌رچوون , یان ده‌رکه‌وتنێکى حه‌تمى و به‌بێ ئیراده‌ى ئه‌و نیه‌ . گه‌ر به‌ فه‌رزى مه‌حالیش ئه‌مه‌ په‌یوه‌ندیه‌که‌ بیت ئه‌وا ئه‌م هه‌موو لێ ده‌رچوون و ده‌رکه‌وتنه‌ نه‌ئه‌بوو ئه‌گه‌رى شیى بوونه‌وه‌ و پارچه‌ چارچه‌ بوون و ته‌واوبوون رووى تێ بکات , وه‌ک ته‌واوبوونى سووته‌مه‌نیى خۆر رۆژێک له‌ رۆژان , که‌چیى هه‌موو شتێک به‌دیى ئه‌هێنریت پاشان گه‌شه‌ ئه‌کات و په‌ره‌ ئه‌ستێنێت , پاشان مه‌حف ده‌بیته‌وه‌ و ئه‌روا و به‌فه‌نا ئه‌چێت ......