ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
خوا بێئاگا نیه له‌سته‌مکاران:
نوسینى/صلاح عبدالفتاح
ئاماده‌کردنى/سانا حمدامین
(وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ (42) مُهْگِعِینَ مُقْنِعِی رُوُوسِهِمْ ڵا ێرْتَدُّ إِڵیْهِمْ گَرْفُهُمْ وَأَفْئِدَتُهُمْ هَوَاوٌٌ (43) وَأَنْژِڕ النَّاسَ ێوْمَ ێأْتِیهِمُ الْعَژَابُ فَێقُولُ الَّژِینَ ڤَڵمُوا رَبَّنَا أَخِّرْنَا إِڵى أَجَلٍ قَڕیبٍ نُجِبْ دَعْوَتَکَ وَنَتَّبِعِ الرُّسُڵ أَوَڵمْ تَکُونُوا أَقْسَمْتُمْ مِنْ قَبْلُ مَا ڵکُمْ مِنْ زَوَالٍ (44) وَسَکَنْتُمْ فِی مَسَاکِنِ الَّژِینَ ڤَڵمُوا أَنْفُسَهُمْ وَتَبَیَّنَ ڵکُمْ کَیْفَ فَعَلْنَا بِهِمْ وَچَرَبْنَا ڵکُمُ الْأَمْپَاڵ (45) وَقَدْ مَکَرُوا مَکْرَهُمْ وَعِنْدَ اللَّهِ مَکْرُهُمْ وَإِنْ کَانَ مَکْرُهُمْ لِتَزُوڵ مِنْهُ الْجِبَالُ (46) فَڵا تَحْسَبَنَّ اللَّهَ مُخْلِفَ وَعْدِهِ رُسُڵهُ إِنَّ اللَّهَ عَزِیزٌ ژُو انْتِقَامٍ)ابراهیم/٤٢-٤٧. پێت وا نه‌بێت خودا له کرده‌ى سته‌مکاران بێئاگایه, خودا بۆ ڕۆژێکى هه‌ڵگرتوون که چاو تیایدا ئه‌بڵه‌ق ده‌بێت که ڕۆژى قیامه‌ته.
به‌په‌له به‌دواى ئه‌و فریشته‌یه‌دا ده‌ڕۆن که مه‌ئمووره له‌سه‌ریان و مل و گه‌ردنیان ڕه‌ق بووه‌و چاوه‌کانیان ناتروکێنن و دڵیان به‌تاڵ و حه‌تاڵه. خه‌ڵک بترسێنه له‌و ڕۆژه‌ى سزاى خوا دێت, ئه‌وانه‌ى سته‌میان له‌خۆیان کردووه له‌و ڕۆژه‌دا ده‌ڵێن خودایا بۆ ماوه‌یه‌کى که‌م مۆڵه‌تمان بده هه‌تا به‌ده‌نگته‌وه بێین و شوێن پێغه‌مبه‌ران بکه‌وین, ئاخر هه‌ر ئێوه نه‌بوون که پێشتر له دنیادا سوێندتان ده‌خوارد که هه‌رگیز له‌ناو ناچن.هه‌روه‌ها له‌دنیادا چوونه جێگه‌ى ئه‌وانه‌ى که سته‌میان له خۆیان کردبوو, بۆتان ده‌رکه‌وت چیمان لێ کردن! چه‌ند نموونه‌شمان بۆ هێنانه‌وه به‌ڵکو په‌ندو عیبره‌تیان لێ وه‌رگرن. به‌ڕاستى کافران مه‌کرو پیلانى زۆریان کردو ئه‌و مه‌کرانه‌یان لاى خودا ئاشکرابوون, خوا ڕۆژى خۆى تۆڵه‌یان لێ ده‌سێنێت, ئه‌گه‌رچى مه‌کره‌کانیان ئه‌وه‌نده به‌هێزبوو له‌وانه‌بوو کێو له‌بن بێنێت پێت وانه‌بێت خوا له‌و به‌ڵێنانه‌ى که پێغه‌مبه‌رانى خۆى داوه په‌شیمان بێته‌وه خودا خاوه‌ن ده‌سه‌لآتى تۆڵه‌سێنه. به‌ڵێ..سه‌ره‌نجامى مه‌کرو پیلان و جه‌نگ و خراپه‌یان چى بوو, چییان بۆ مایه‌وه جگه له ڕیسوایى و شکست و سه‌رشۆڕى؟! جا با بڕواداران دڵنیابن له په‌یمان و به‌ڵێنى خوا (فَلَا تَحْسَبَنَّ اللَّهَ مُخْلِفَ وَعْدِهِ رُسُلَهُ إِنَّ اللَّهَ عَزِيزٌ ذُو انْتِقَامٍ)