ماڵپەری قورئانی پیرۆز

نوسینى: مه‌لا دلشاد باڵه‌کى  
ئاماده‌کردنى : غریب قادر

١١- (يَوْمَ الْحَسْرَةِ): واتا ڕۆژى زۆرترین ئاخ هه‌ڵکێشان و په‌شیمان بونه‌وه‌ بۆ ڕابردووه‌ ,که‌سى باش بۆ ئه‌وه‌ى زیاترى نه‌کردووه‌ که‌سی خراپیش بۆ ئه‌وه‌ى خراپه‌ى زۆره‌و چاکه‌ى که‌م کردووه‌ وه‌ک له‌ سوره‌تى مریم/٣٩  [ وَأَنذِرْهُمْ يَوْمَ الْحَسْرَةِ إِذْ قُضِيَ الْأَمْرُ وَهُمْ فِي غَفْلَةٍ وَهُمْ لَا يُؤْمِنُونَ ] مریم : ٣٩
واتا: ئه‌ى محمد ئاگاداریان بکه‌وه‌ له‌ ڕۆژى خه‌فه‌ت و په‌شیمانى که‌ پشتیان له‌ کارو کرده‌وه‌ى چاک کردبوو له‌ دونیا،ئی
١٢-( الْغَاشِيَةِ): واتا ئه‌و ڕۆژه‌ى به‌ سه‌ختى و ناخۆشیه‌کانى هه‌موو دروستکراوه‌کان داده‌پۆشێت وه‌ک له‌ئایه‌تى یه‌کى سوره‌تى الغاشیه‌  [ هَلْ أَتَاكَ حَدِيثُ الْغَاشِيَةِ] الغاشیه‌ : ١

واتا : ئایا ده‌نگ و باسی رۆژه‌ داپۆشه‌ره‌که‌ت، واته‌: قیامه‌ت پێگه‌یشتووه‌؟ که‌ ته‌واوی خه‌ڵک داده‌پۆشێ و، که‌سێک نیه‌ له‌ ناڕه‌حه‌تی ئه‌و رۆژه‌ ده‌رچێت (ڕامان)

١٣-( يَوْمُ الْخُلُودِ) :  واتا ڕۆژى هه‌میشه‌یی و نه‌مرى هه‌تاهه‌تایی ئه‌به‌دى بڕواداره‌کان له‌ به‌هه‌شت و کافره‌کانیش له‌ دۆزه‌خ وه‌ک له‌ سوره‌تى ق /٣٤ [ ادْخُلُوهَا بِسَلَامٍ ذَلِكَ يَوْمُ الْخُلُودِ] قـ : ٣٤
واتا: پێیان ئه‌وترێ فه‌رموون:هه‌موو به‌ ئاسووده‌یی و ئارامیه‌وه‌ بچنه‌ ناو به‌هه‌شته‌وه‌، ئه‌وه‌ رۆژی هه‌تا هه‌تایی و نه‌مرییه (تةفسيرى ڕامان)
١٤-( يَوْمَ الْحِسَابِ): واتا ڕۆژى لێپرسینه‌وه‌و دادگایی کردنى مرۆڤه‌کان له‌ سه‌ر کرده‌وه‌کانیان وه‌ک له‌ سوره‌تى ص/٢٦ [يَا دَاوُودُ إِنَّا جَعَلْنَاكَ خَلِيفَةً فِي الْأَرْضِ فَاحْكُم بَيْنَ النَّاسِ بِالْحَقِّ وَلَا تَتَّبِعِ الْهَوَى فَيُضِلَّكَ عَن سَبِيلِ اللَّهِ إِنَّ الَّذِينَ يَضِلُّونَ عَن سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ ] صـ : ٢٦
واتا: ئه‌ی داود: به‌ڕاستی ئێمه‌ تۆمان کردۆته‌ جێنشین له‌م وڵاته‌دا، فه‌رمانڕه‌وایی له‌ نێوان خه‌ڵکدا له‌سه‌ر بنچینه‌ی حه‌ق و ڕاستی ئه‌نجام بده‌، هه‌رگیز شوێنی ئاره‌زوو مه‌که‌وه‌، تا نه‌بێته‌ هۆی گومڕاکردن و لادانت له‌ ڕێبازی خوا، چونکه‌ بێگومان ئه‌وانه‌ی له‌ ڕێبازی خوا لاده‌ده‌ن، سزای به‌ ئێش و پڕ ئازار بۆیان ئاماده‌یه‌، به‌هۆی فه‌رامۆشکردنی ڕۆژی لێپرسینه‌وه‌.
١٥-( الْوَاقِعَةُ): واتا ئه‌و ڕۆژه‌ى که‌ گومان له‌ ڕودان و هاتنیدا نیه‌و هه‌موو شته‌کان ده‌بێته‌ ڕاستى وه‌ک له‌ سوره‌تى الواقعه‌ /١ [إِذَا وَقَعَتِ الْوَاقِعَةُ ]الواقعه‌ : ١
واتا: کاتێ رووداوه‌ گه‌وره‌که‌ (رۆژی قیامه‌ت) روویدا، که‌ هه‌رپێش دێت،(ڕامان)