ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ده‌سته‌وسانى کافران به‌رامبه‌ر قورئان
نوسینى/صلاح عبدالفتاح
ئاماده‌کردنى/سانا حمدامین
(وَإِنْ كُنْتُمْ فِي رَيْبٍ مِمَّا نَزَّلْنَا عَلَى عَبْدِنَا فَأْتُوا بِسُورَةٍ مِنْ مِثْلِهِ وَادْعُوا شُهَدَاءَكُمْ مِنْ دُونِ اللَّهِ إِنْ كُنْتُمْ صَادِقِينَ (23) فَإِنْ ڵمْ تَفْعَلُوا وَڵنْ تَفْعَلُوا فَاتَّقُوا النَّارَ الَّتِی وَقُودُهَا النَّاسُ وَالْحِجَارَه‌ُ أُعِدَّتْ لِلْکَافِڕینَ)البقره/٢٣-٢٤ ئه‌گه‌ر دوودڵن له‌ڕاستى ئه‌و قورئانه‌ى ناردوومانه‌ته خوار بۆ سه‌ر به‌نده‌ى که پێغه‌مبه‌ره صلى الله علیه وسلم به‌وتارى ئاده‌میزادى ده‌زانن, ده‌ى ئه‌گه‌ر ئازان تاقه سوڕه‌تێک له‌وێنه‌ى ئه‌و قورئانه بێنن و بێجگه له‌خودا, هه‌موو ئه‌وانیش بانگ بکه‌ن که به‌یاریده‌ده‌رى خۆتانیان ده‌زانن, تا یارمه‌تیان بده‌ن, بێگومان به‌هه‌مووتانه‌وه ناتوانن وێنه‌ى بێنن.
ئه‌گه‌ر ئه‌مه‌تان پێ نه‌کرا, که بێگومان پێشتان ناکرێت, ده‌خۆتان له‌و ئاگره بپارێزن که سوته‌مه‌نیه‌که‌ى ئاده‌میزادو ئه‌و بته به‌ردانه‌یه که له‌دنیادا ده‌یانپه‌رستن و به‌ته‌ماى قازانجیانن, ئه‌و ئاگره بۆ کافران ئاماده‌کراوه دیاره ئه‌م هه‌واڵه‌ى قورئان که بۆ داهاتووه (وَلَنْ تَفْعَلُوا)البقره/٢٤ موعجیزه‌یه‌و ته‌نها خوا ده‌توانێت ئاوا باس له‌ده‌سته‌وسانى کافران بکات به‌رامبه‌ر قورئان له‌داهاتوودا, که‌واش ده‌رچوو تا ئێستا که‌س نه‌یتوانیوه وێنه‌ى قورئان بهێنێت. له‌ئایه‌تێکى تریشدا جه‌خت له‌سه‌ر ئه‌مه ده‌کاته‌وه‌و ده‌فه‌رموێت: پێیان بڵێ ئه‌گه‌ر هه‌موو ئینس و جین کۆببنه‌وه‌و هاریکارى یه‌کترى بن ناتوانن وێنه‌ى قورئان بهێنن (قُلْ لَئِنِ اجْتَمَعَتِ الْإِنْسُ وَالْجِنُّ عَلَى أَنْ يَأْتُوا بِمِثْلِ هَذَا الْقُرْآَنِ لَا يَأْتُونَ بِمِثْلِهِ وَلَوْ كَانَ بَعْضُهُمْ لِبَعْضٍ ظَهِيرًا)الاسراْ /٨٨