ماڵپەری قورئانی پیرۆز

وه‌رگێرانى/فریاد بارزانى
ئاماده‌کردنى/سانا حمدامین
ئایا تۆ ستایشى هاوڕێ و هاوکارانى خۆت ده‌که‌ى, یان تێکه‌ڵاویى خه‌ڵکى شکست خواردوو ده‌که‌ى؟ خه‌ڵکێکى زۆر که‌ ئاستێکى نزمى باوه‌ر به‌خۆ بوونیان هه‌یه‌ له‌ تێکه‌ڵاو بوون له‌گه‌ڵ مرۆڤى سه‌رکه‌وتوودا هه‌ست به‌ هه‌ڕه‌شه‌ ده‌که‌ن له‌سه‌رخۆیاندا, بۆیه‌ کاتى خۆیان له‌گه‌ڵ که‌سانێکدا به‌سه‌رده‌به‌ن که‌ له‌ خۆیان خراپترن. هۆکاره‌کانى خۆت تاقى بکه‌ره‌وه‌, ئایا تۆ له‌گه‌ڵ ئه‌و که‌سه‌ چاره‌ره‌ش و بێ په‌نایه‌ دۆستایه‌تیت گرێ داوه‌ ته‌نها بۆ ئه‌وه‌ى یارمه‌تى ئه‌و بده‌ى تا گۆڕانێک له‌ وه‌زعى خۆى به‌دى بێنێت ؟
-    ئایا تۆ به‌ڕاستى یارمه‌تى ئه‌و ده‌ده‌یت؟

-    ئایا ئه‌و به‌ڕاستى پێویستى به‌ یارمه‌تیدان هه‌یه‌ ؟
-    ئایا تۆ چێژ له‌و هه‌سته‌ ئاڵۆزه‌ وه‌رده‌گرى که‌ له‌باره‌ى ئه‌و هه‌ته‌؟
-    ئایا تۆ هه‌ست به‌ بڕوا به‌خۆبوونێکى زیاتر ده‌که‌ى کاتێ له‌گه‌ڵ ئه‌و دایت, چونکه‌ به‌لاى که‌م ئێوه‌ زیاتر به‌یه‌که‌وه‌ن؟
-    ئه‌گه‌ر ئێمه‌ کاتى خۆمان له‌گه‌ڵ که‌سانێکدا رابوێرین, که‌ ناتوانن سه‌رکه‌وتن به‌ده‌ست بهێنن ئێمه‌ش وه‌ک ئه‌وانمان لێدێ. سه‌یرى ئه‌و که‌سانه‌ بکه‌ که‌به‌ر له‌تۆ ڕۆیشتون به‌ڕێ که‌وتوون و به‌و ئامانجه‌ گه‌یشتوون که‌ تۆ هه‌وڵ ده‌ده‌ى بۆ گه‌یشتن پێى. هه‌موو ئه‌وانه‌ى که‌تۆ ده‌ته‌وێ پێیان بگه‌ى و په‌ره‌یان پێ بده‌ى- په‌یوه‌ندیه‌کانتان-کاروپیشه‌-پێشکه‌وتنه‌کانى شه‌خسى-جل و به‌رگ له‌به‌رکردن, دایکایه‌تى و ..هتد , ئاشنایى له‌گه‌ڵ ئه‌و که‌سانه‌دا په‌یدا بکه‌ له‌ گه‌ڕه‌کى خۆتان که‌ سه‌رکه‌وتوون و له‌وان فێربه‌. سه‌رکه‌وتن, سه‌رکه‌وتن به‌دواى خۆیدا دێنێ, به‌هه‌مان شێوه‌ که‌شکست شکستى ترى به‌دوادایه‌. تێکه‌ڵاویى ئه‌و که‌سانه‌ به‌ که‌ستایشیان ده‌که‌ى ئه‌وسا ئیلهام وه‌رده‌گرى که‌ سه‌رکه‌وتنى خۆت مسۆگه‌ر بکه‌ى و دیاره‌ باوه‌ر بوونیشتان پتر ده‌بێ.