ماڵپەری قورئانی پیرۆز

نوسینى/صلاح عبدالفتاح
ئاماده‌کردنى/سانا حمدامین
(وَلَقَدْ كَتَبْنَا فِي الزَّبُوڕ مِنْ بَعْدِ الذِّكْڕ أَنَّ الْأَرْضَ يَڕثُهَا عِبَادِيَ الصَّالِحُونَ (105) إِنَّ فِی هَژَا ڵبَڵاغا لِقَوْمٍ عَابِدِینَ (106) وَمَا أَرْسَلْنَاکَ إِلَّا رَحْمَه‌ لِلْعَاڵمِینَ)الانبیاْ /١٠٥-١٠٧ ئێمه‌ له‌ته‌ورات و زه‌بوردا نووسیومانه‌, به‌نده‌ چاکه‌کانى من ده‌بنه‌ میراتگرى زه‌وى, ئه‌مه‌ به‌لاغ و ئاگادارکردنه‌وه‌یه‌ بۆ که‌سانێک که‌ خواپه‌رستن, ئه‌ى محمد ئێمه‌ تۆمان نه‌ناردووه‌ مه‌گه‌ر به‌ڕه‌حمه‌ت بۆ هه‌موو عاله‌م. تا ئێستاش ئه‌و مه‌سه‌له‌ى میراتگرییه‌ى چاکان بۆ زه‌وى له‌ زه‌بوردا ماوه‌ هه‌روه‌ک له‌ په‌ڕاوى به‌ره‌و ئیسلام به‌شى ده‌یه‌م لاپه‌ڕه‌ى ٥٧١ دا باسم کردووه‌, که‌ ئه‌مه‌ش موعجیزه‌یه‌کى گه‌وره‌ى قورئانه‌ که‌ خواش به‌ فه‌زڵى خۆى هێشتویه‌تیه‌وه‌ هه‌رچه‌ند ده‌ستکارى زۆرى زه‌بورو ته‌ورات و کتێبه‌کانى تر کراوه‌. وه‌رگێڕ .

(قُلْ إِنَّمَا يُوحَى إِلَيَّ أَنَّمَا إِلَهُكُمْ إِلَهٌ وَاحِدٌ فَهَلْ أَنْتُمْ مُسْلِمُونَ (108) فَإِنْ تَوَلَّوْا فَقُلْ آَژَنْتُکُمْ عَڵى سَوَاوٍ وَإِنْ أَدْڕی أَقَڕیبٌ أَمْ بَعِیدٌ مَا تُوعَدُونَ (109) إِنَّهُ ێعْڵمُ الْجَهْرَ مِنَ الْقَوْلِ وَێعْڵمُ مَا تَکْتُمُونَ (110) وَإِنْ أَدْڕی ڵعَلَّهُ فِتْنَه‌ٌ ڵکُمْ وَمَتَاعٌ إِڵى حِینٍ (111) قَاڵ رَبِّ احْکُمْ ‎بِالْحَقِّ وَرَبُّنَا الرَّحْمَنُ الْمُسْتَعَانُ عَڵى مَا تَصِفُونَ)الانبیاْ /١٠٨—١١٢ پێیان بڵێ. من به‌وه‌حى پێم ڕاده‌گه‌یه‌نرێت که‌خواتان یه‌که‌, ئاخۆ ئێوه‌ مل بۆ ئه‌م ڕاستییه‌ ده‌ده‌ن؟ ئه‌گه‌ر ڕوویان لێوه‌رگێڕایت, بڵێ: وا من به‌ گشتانم ڕاگه‌یاند, به‌بێ جیاوازى, ناشزانم ئه‌وه‌ى به‌ڵێنتان پێدراوه‌ زوو دێته‌ جێ یان ماوه‌یه‌ک ده‌خایه‌نێت, هه‌ر قسه‌یه‌ک به‌ ئاشکرا بیکه‌ن یان بیشارنه‌وه‌ ئه‌و ده‌یزانێت. ناشیزانم, له‌وانه‌یه‌ تاقیکردنه‌وه‌ بێت بۆتان و خوا بیه‌وێت جارێ مۆڵه‌تتان بدات ڕابوێرن له‌ دنیادا تا کات و ساتێکى دیاریکراو که‌ خۆى ده‌یزانێت. محمد صلى الله علیه‌ وسلم فه‌رمووى ئه‌ى په‌روه‌ردگارى من! حوکمه‌ هه‌قى خۆت بده‌ له‌نێوان من و ئه‌م خوانه‌ناسانه‌دا. هر خواى میهره‌بانه‌ که‌ په‌ناى پێ ده‌گیرێت و داواى یارمه‌تى لێ ده‌کرێت له‌باره‌ى ئه‌و شتانه‌وه‌ ئێوه‌ باسى ده‌که‌ن.