ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
واتاى ئایه‌تى( وَلَوْلَا دَفْعُ اللَّهِ النَّاسَ بَعْضَهُمْ بِبَعْضٍ لَفَسَدَتِ الْأَرْضُ وَلَكِنَّ اللَّهَ ذُو فَضْلٍ عَلَى الْعَالَمِينَ)[البقرة:251]
![واتاى ئایه‌تى( وَلَوْلَا دَفْعُ اللَّهِ النَّاسَ بَعْضَهُمْ بِبَعْضٍ لَفَسَدَتِ الْأَرْضُ وَلَكِنَّ اللَّهَ ذُو فَضْلٍ عَلَى الْعَالَمِينَ)[البقرة:251]](https://old.quran-kurd.com/site/sites/default/files/earth.jpg)
نووسینى / محمد فتح الله گوله‌ن
وه‌رگیرانى / حبیب محمد سعید
ئاماده‌کردنى /نه‌جات رواندزى
سه‌ره‌راى چه‌ند کاریک , له‌م ئایه‌ته پیرۆزه‌دا خواى بالآده‌ست سه‌رنجامان رائه‌کێشێت بۆلاى بوونى ته‌رازوو و هاوسه‌نگیى و پێوه‌رێک له جیهانى مرۆڤ دا , هه‌روه‌ک بوونى له جیهانى سروشت و ژینگه‌دا. هه‌موو شتێک یاساو پێوه‌ریکى دیارى کراو و , چه‌ندین ده‌ستورى دیارى کراوى بۆ دانراوه . له‌به‌ر ئه‌مه‌و , له پێناوى مسۆگه‌ر کردنى ئه‌و هاوسه‌نگیه له‌به‌ر خاترو له پێناوى مرۆڤایه‌تیى دا , خواى بالآده‌ست هیدایه‌تمان بۆ سه‌ر رێى راست ئه‌دات و
, له دڵ و ده‌روونمان دا حه‌زێک بۆ کۆشش کردن له‌و پێناوه‌دا دروست ئه‌کات . چونکه ئه‌م ئه‌نجامه پێویسته له بازنه‌ى هۆکاره‌کان دا به ده‌ستى مرۆڤ بێته دى , ئه‌گینا دنیا ئه‌بێته مه‌نزڵێک ژیانى تێدا به‌سه‌ر نابرێت , وه‌ک ئایه‌ته پیرۆزه‌که باسى کردووه .
به‌ڵێ ! ئه‌گه‌ر به‌هۆى بیرو باوه‌رو به‌ها دینى یه‌کانه‌وه , هه‌ندێ هه‌ست که له سروشتى مرۆڤ دا – بۆ چه‌ندین مه‌به‌ست و حیکمه‌تى دیارى کراو – رێنراون , مل که‌چ نه‌کرێن و رانه‌هێنرێن , مرۆڤ له وێران کاریى و , له زولم و ده‌ست درێژى به دوور نابێت . جا ئه‌گه‌ر خه‌ڵکانێک نه‌بن , که به ئیمان و ئیسلام , گۆران باشى به‌سه‌ر هه‌سته مرۆڤانه‌کانیان دا بێنن و, ببنه سه‌ربازى حه‌ق و یاسا , تا ئه‌من و ئاسایش بلآو بکه‌نه‌وه , ئه‌وا دونیا ئه‌بێته جیهانى له‌سنوور ده‌رچووان و ده‌ست درێژى که‌ران و, زوڵم زه‌لیلیش تیاى دا په‌ره ئه‌سێنێت .