ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
نیگه‌ران مه‌به ئه‌گه‌ر ڕۆزیت دوا که‌وت چونکه هێشتا کاتى خۆى ماوه
نوسینى/د.عائض القرنى
ئاماده‌کردنى/سانا حمدامین
ئه‌و که‌سه‌ى که په‌له و هه‌ڵه‌شه له به‌شى خۆى له ڕۆزییه‌کان بکات پێش کات بکه‌وێ, تووشى دڵه‌ڕاوکى ده‌بێ کاتێ ئه‌وه‌ى حه‌زى لێیه‌تى پاش بکه‌وێ و دوا بکه‌وێ له کات و ساتێ که ئه‌و ده‌یه‌وێ. وه‌ک ئه‌و که‌سه‌وایه که پێش ئیمام ده‌که‌وێت له نوێژى جه‌ماعه‌تدا. دڵنیاشه نابێ سه‌لام بداته‌وه له پێش ئیمام ! که‌واته کاره‌کان و رۆزییه‌کان هه‌موویان کاتى دیاریکراوى خۆیان هه‌یه و لێ بووه‌ته‌وه له دانانى, پێش ئه‌وه‌ى هه‌ر له بنه‌ڕه‌تدا دروست کات به په‌نجا هه‌زار ساڵ (اتى امر الله فلا تستعجلون)الاسراْ /١ واته: فه‌رمانى خودا هاتوه به‌ڵام ئێوه په‌له مه‌که‌ن. خودا ده‌فه‌رموێت:
(وَإِنْ يُڕدْكَ بِخَيْرٍ فَلَا رَادَّ لِفَضْلِهِ)یونس/١٠٧ ئه‌گه‌ر خودا خێرى بۆت بوێ, که‌س ناتوانێ لێت بگرێته‌وه. عومه‌ر ده‌فه‌رموێت: خودایه: من په‌نات پێ ده‌گرم له خراپه‌ى خراپه‌کاران و کۆڵدانم له باوه‌ڕبه‌خۆبوون. به‌ڵێ ئه‌مه وته‌یه‌کى گه‌وره‌یه و ڕاسته, زۆرم خوێندووه‌ته‌وه له مێژوو. بۆم دیار بوو, ڕۆژێک له دوژمنانى خودا دژایه‌تى خودا و پێغه‌مبه‌ر و موسڵمانان و ئه‌خلاق و ره‌وشتى به‌رز ده‌بن. حه‌وانه له خۆیان ده‌گرنه‌وه بۆ ئه‌م کارانه‌یان. وچانیان نامێنێ و سوور ده‌بن و به به‌رده‌وام نه‌خشه‌ى بۆ ده‌کێشن. ئه‌وه‌ى زۆر جێى بده‌ن سه‌رسوڕمانه ئه‌وه‌یه زۆرێک له موسڵمانان ته‌مه‌ڵ و بێ توانا و بێ هیممه‌تن, نایانه‌وێ هه‌وڵ بده‌ن, ئه‌خلاقى جوانى پێغه‌مبه‌ران بگه‌یه‌نن به خه‌ڵکى که له ئه‌وپه‌ڕى پێویستیان پێیه‌تى, بۆیه ئه‌م وته‌یه‌ى عومه‌ر زۆر قوڵه.