ماڵپەری قورئانی پیرۆز

وه‌رگێرانى/فریاد بارزانى
ئاماده‌کردنى/سانا حمدامین
هه‌ناسه‌ هه‌ڵکێشانى قووڵ یارمه‌تیت ده‌دات له‌هه‌موو بارودۆخێکدا, ئارامى و ئاسووده‌ییت زێتر که‌یت. به‌شێوه‌یه‌کى کرده‌کى چۆنیه‌تى هه‌ناسه‌ هه‌ڵکێشانمان له‌سه‌ر چۆنیه‌تى ئه‌ندێشه‌ و بیرکردنه‌وه‌و هه‌ست و کارکردنمان کاریگه‌ر ده‌بێ. زۆربه‌ى ئێمه‌ له‌هه‌ر خوله‌کێکدا ١٢تا١٨ جار هه‌ناسه‌ وه‌رده‌گرین ئه‌گه‌ر تۆ بۆت بکرێ ئه‌و ڕێژه‌یه‌ بۆ ٨جار یان که‌متر دابه‌زێنى, ئه‌م کاره‌ به‌شێوه‌یه‌کى ئوتوماتیکى هه‌ستى رێز له‌خۆگرتن و زاڵبوون به‌سه‌ر خۆتدا به‌رز ده‌کاته‌وه‌
هه‌ناسه‌ هه‌ڵمژینى قووڵ
١-    قیت له‌سه‌ر لێوارى کورسییه‌ک دابنیشه‌ و بنى پێیه‌کانت ته‌خت بکه‌ له‌گه‌ڵ عه‌رد دا, ده‌سته‌کانت له‌سه‌ر به‌شى خوارووى زگت, به‌شێوه‌یه‌ک دابنێ هه‌ر ده‌ستێکت له‌لایه‌کى زگت بێ و پشتى ده‌سته‌کانت بکه‌ونه‌ سه‌ر رانه‌کانت.

٢-    هه‌ناسه‌ى درێژ بده‌ره‌ ده‌ره‌وه‌و زگت له‌هه‌وا خاڵى بکه‌ بۆ ماوه‌ى چه‌ند چرکه‌یه‌ک
٣-    به‌ده‌مى داخراو, به‌ئارامى هه‌ناسه‌ هه‌ڵمژه‌و هه‌ست به‌پڕ با بوونى خوارووى زگت له‌بن ده‌سته‌کانتدا بکه‌و وا بێنه‌ به‌رچاوت شیشڵدانێکى ره‌نگاو ره‌نگ ده‌بینى که‌ ورده‌ ورده‌ پڕ ده‌بێ له‌هه‌وا وابزانه‌ هه‌وا که‌ له‌ خواره‌وه‌ له‌ نێوان پێیه‌کانته‌وه‌ هه‌ڵده‌کشێ شیشڵدانه‌که‌ت پڕ بکه‌ له‌هه‌واو بۆ چه‌ند چرکه‌یه‌ک ڕابگره‌
٤-    به‌ئارامى هه‌واکه‌ بده‌ره‌ ده‌ره‌وه‌و خاڵى بوونه‌که‌ هه‌ست پێبکه‌ تا ئه‌و کاته‌ى زگت راست ده‌بێ
٥-    دووباره‌یان بکه‌وه‌ به‌ده‌هه‌ناسه‌ى ئارام ده‌ست پێبکه‌. هه‌ڵمژینى ئارام و له‌سه‌ره‌خۆ ئاسووده‌یى به‌خۆت و ئۆکسجین به‌سیسته‌مى له‌شت ده‌به‌خشێ ژه‌هراوى بوون له‌جه‌سته‌تدا له‌نێو ده‌بات لێدانى دڵ و رێژه‌ى کۆڵسترۆڵى خوێن داده‌به‌زێنێ هه‌روه‌ها ئاستى بڕوا به‌خۆ بوونت به‌رز ده‌کاته‌وه‌ تاقى بکه‌وه‌ تۆ ده‌توانى ئه‌م کاره‌ له‌کاتێکدا بکه‌یت که‌له‌سه‌ر کورسیه‌که‌ى خۆت له‌کاتى ده‌واما دانیشتویت