ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ڕازیبون به‌کارى خودا ده‌وڵمه‌ندى و دڵنیاییه
نوسینى/د.عائض القرنى
ئاماده‌کردنى/سانا حمدامین
هه‌رکه‌سێ دڵى پڕ بێ به ڕازیبوون به کاره‌کانى خودا, خودایش سینه‌ى پڕ ده‌کات له ده‌وڵه‌مه‌ندى و ئاسایشى و قه‌ناعه‌تبوون به‌که‌م و دڵه‌که‌ى یه‌کلایى ده‌کاته‌وه, بۆ خۆشه‌ویستیى په‌روه‌ردگار و گه‌ڕانه‌وه و پشتوپه‌نا به‌ستن به‌خودا. هه‌ر که‌سێ به‌شى خۆى له ده‌ست بچێ له ڕازیبوون له خودا و له‌کاره‌کانى, دڵى پڕ ده‌بێ له خه‌م و دڵه‌ڕاوکێ و بیر و هۆشى په‌رتوبڵاو ده‌بێت, له‌سه‌ر هیچ کارێک ناتوانێ ڕاوه‌ستێ که له‌وانه‌یه سودى دین و دونیاى ئه‌وى تیادا بێ. وه‌ک وتمان رازیبوون دڵت یه‌کلیى ده‌کاته‌وه بۆ ئه‌وه‌ى بتوانى بۆ خودا بژیت. ڕازینه‌بوونیش دڵت له خودا و خۆشه‌ویستى خودا چۆڵ ده‌کات.
ژیان بۆ که‌سێ نابێ توڕه‌کار بێ ئوقره ناگرێ که‌سێ به‌س چاوى له ڕه‌خنه‌کان هه‌ڵبێت, هه‌رده‌م دوودڵه له کاره‌کانى خۆیدا, چونکه به خه‌یاڵى خۆى وا ده‌زانێ زۆریه‌کانى هه‌ر که‌من, به‌شى له‌م دونیایه که‌متره له‌وه‌ى که ئه‌و بۆ خۆى دایناوه یان چاوه‌ڕوانیه‌تى به گشتى به‌خشینه‌کانى خودایى پێ که‌من به‌ڵام ئه‌گه‌ر بچوکترین به‌ڵاى به سه‌ر بێت زۆرى لا گه‌وره‌یه, چونکه خۆى به له‌وه باشتر ده‌زانێ که خودا پێى به‌خشیوه, به‌ڵام به حساب و بۆ چوونى ئه‌و, خودا مافى ته‌واوى خۆى پێ نه‌داوه, ئه‌ى ئه‌گه‌ر که‌سێک ئه‌مه حاڵى بێ چۆن ده‌حه‌وێته‌وه چۆن ده‌ژى و چۆن ده‌گونجێ له‌گه‌ڵ کۆمه‌ڵگاى خۆى؟! وه‌ک قورئان ده‌فه‌رموێت: (ذَلِكَ بِأَنَّهُمُ اتَّبَعُوا مَا أَسْخَطَ اللَّهَ وَكَڕهُوا ڕضْوَانَهُ فَأَحْبَطَ أَعْمَالَهُمْ)محمد/٢٨ واته: چونکه شوێن کاروکردارێک ده‌که‌وتن خودایان لێ توڕه ببێت و حه‌زیان به ڕه‌زامه‌ندیى ئه‌و نه‌ده‌کرد کاره‌کانیان پوچه‌ڵ ده‌بووه‌وه.