ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئیش کردنى به‌رده‌وام و چاوه‌ڕێى هاتنه‌جێى به‌ڵینه‌کان
نوسینى/صلاح عبدالفتاح
ئاماده‌کردنى/سانا حمدامین
ئایه‌ته‌کانى سوره‌ته‌که باسى هه‌ندێ له گفت و گۆى نێوان حه‌زره‌تى شوعه‌یب سه‌لامى خواى له‌سه‌ربێت و گه‌له‌که‌ى له (مةديةن)ده‌کات و ده‌فه‌رموێت: (وَيَا قَوْمِ اعْمَلُوا عَلَى مَكَانَتِكُمْ إِنِّي عَامِلٌ سَوْفَ تَعْلَمُونَ مَنْ يَأْتِيهِ عَذَابٌ يُخْزِيهِ وَمَنْ هُوَ كَاذِبٌ وَارْتَقِبُوا إِنِّي مَعَكُمْ رَقِيبٌ)هود/٩٣ شوعه‌یب فه‌رموى: گه‌لۆ ئه‌وه‌ى له‌ده‌ستان دێت بیکه‌ن, منیش وا خه‌ریکى کارم, له‌وه به‌ولاوه ده‌زانن کێ ئازارى ئابڕووبه‌ره‌ى دێته‌سه‌رو کێ به درۆزن ده‌رده‌چێت, چاوه‌ڕوان بن, ئه‌وا منیش له‌گه‌ڵ ئێوه چاوه‌ڕوانم.
(عَلَى مَكَانَتِكُمْ)واته: ڕێبازو ڕێگاو به‌رنامه, واته هه‌رکه‌س با به‌پێى ئه‌و به‌رنامه‌یه‌ى قه‌ناعه‌تى پێیه‌تى کاربکات. (سَوْفَ تَعْلَمُونَ)دواتر ده‌بینین سه‌ره‌نجامى کارى هه‌ردوولا.
هه‌ر له‌هه‌مان باسدا قورئان سه‌ره‌نجامه‌که‌یان پیشان ده‌دات (وَلَمَّا جَاءَ أَمْرُنَا نَجَّيْنَا شُعَيْبًا وَالَّذِينَ آَمَنُوا مَعَهُ بِرَحْمَةٍ مِنَّا وَأَخَذَتِ الَّذِينَ ظَلَمُوا الصَّيْحَةُ فَأَصْبَحُوا فِي دِيَاڕهِمْ جَاثِمِينَ (94) کَأَنْ ڵمْ ێغْنَوْا فِیهَا أَڵا بُعْدا لِمَدْێنَ کَمَا بَعِدَتْ پَمُودُ)هود/٩٤-٩٥ که فه‌رمانى ئێمه گه‌یشت, له‌به‌زه‌یى خۆمانه‌وه شوعه‌یب و هاوه‌ڵه باوه‌ڕداره‌کانیمان ڕزگار کرد, ناهه‌قیکارانیش نه‌عره‌ته‌یه‌ک واى تاساندن که هه‌موویان ده‌مه‌وڕوو پشوویان بڕا, ده‌توت هه‌ر له‌وێشدا نه‌بوون, با بتارێن خه‌ڵکى مه‌دیه‌ن, وه‌کو هۆزى سه‌مود تاران. چیڕۆک و به‌سه‌رهاتى شوعه‌یب و گه‌له‌که‌ى و هاتنه‌دى په‌یمانه‌کانى خوا, په‌ندو وانه‌یه‌کى گه‌وره‌یه بۆ بڕواداران که کۆڵ نه‌ده‌ن و دڵنیابن سه‌ره‌نجام بۆ چاکه‌کارانه.