ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سیفاتى پیاوچاكان
ئیمامى عه‌لى وه‌رگێرانى: غریب قادر
1- كاتێك قسه ده‌كه‌ن ته‌نها قسه‌ى ڕاست ده‌كه‌ن .
2- له جل وبه‌رگدا زیاده ڕۆیى ناكه‌ن .
3- له كاتى ڕۆیشتن نازو فیز به‌سه‌ر كه‌س ناكه‌ن .
4- چاویان ده‌پارێزن له حه‌رامكراوه‌كان .
5- گوێیان ته‌نها بۆ زانستى به سوود ڕاده‌گرن .
6- له بیرى خۆیان خواى گه‌وره له هه‌موو كه‌س گه‌وره‌تره بۆیه غه‌یرى خوا له‌به‌رچاویان زۆر بچوكه .
7- ئه‌وان له‌گه‌ڵ به‌هه‌شت وه‌ك ئه‌وه وایه كه بینیبیان بۆیه تا نه‌چنه ناوى ناحه‌سێنه‌وه .
8- دڵیان به خه‌مه‌و شه‌روخراپه‌یان نیه و نابینرێت لێان .
9- داواى شتى كه‌م ده‌كه‌ن و نه‌فسیان زۆر پاكه .
10- سه‌بریان گرت چه‌ند ڕۆژێكى كه‌م و ڕۆژانێكى زۆر ده‌حه‌سێنه‌وه كه به‌هه‌شته .
11- دونیا ئه‌وانى ده‌ویست به‌لاَم ئه‌وان نایانه‌وێت و خۆیان له دیلى به‌رده‌ستى دونیا رزگار كرد .
12- شه‌وانه به‌رامبه‌ر خوا له‌سه‌ر پێیه‌كانیان له نوێژ ڕاوه‌ستا ون و چه‌ند جوزئێك قورئان ده‌خوێنن .
13- له كاتى قورئان خوێندن له ئایه‌ته‌كانى باسى به‌هه‌شت ده‌وه‌ستن و ته‌ماع گیرده‌بن بۆ چونه ناو به‌هه‌شت و,له ئایه‌ته‌كانى باسى جه‌هه‌ننه‌میش گوىَ ده‌گرن و وا ده‌زانن كه هه‌ناسه‌كانى جه‌هه‌ننه‌م له ناو گوێیانه .
14- له كاته‌كانى ڕۆژیشدا زۆر نه‌رم ونیان و زانا و به‌رێزن و له خوا ترسن .
15- رازى نین به كارى چاكى كه‌م و كاره چاكه زۆره‌كانیش به زۆر نازانن .
16- ئه‌وان هه‌موو كات نه‌فسیان به گوناحبار ده‌زانن له كرده‌وه‌كانیشیان ده‌ترسن كه وه‌رنه‌گیرێت .
17- ئه‌گه‌ر به‌یه‌كێكان بڵێى پیاو چاكى ئه‌وا ده‌ڵێن (من نه‌فسى خۆم باشتر ده‌ناسم له كه‌سى تر و خواى گه‌وره‌ش باشتر ده‌مناسێت ) ئه‌و دوعایه‌ش ده‌كه‌ن (خوایه لێم مه‌گره به‌وه‌ى كه‌وا ده‌یڵێن باشترم كه‌ى له‌وه‌ى ئه‌وان تێى گه‌یشتوون و لێم خۆشبه له‌وه‌ى ئه‌وان نایزانن ).
18- له‌كاتى ده‌وڵه‌مه‌ندى ده‌ست بڵاو نین
19- له‌كاتى نه‌بوونى وهه‌ژارى نه‌بونى خۆیان ده‌رناخه‌ن .
20- ئیمانیان گه‌یشتۆته یه‌قین
21- زۆر چالاكن بۆ هیدایه‌تى خه‌ڵك .
22- زۆر به‌ته‌ماع نین .
23- شه‌و ده‌كاته‌وه بیرى لاى سوپاسى خوایه , ڕۆژ ده‌كاته‌وه بیرى لاى زیكرى خوایه .
24- كه سه‌یریان ده‌كه‌ى نزیكن له به‌ده‌ست هێنانى به‌هه‌شت و دڵیان له خوا ترسه .
25- زۆر بایه‌خ به زانست ده‌ده‌ن
26- له كاتى زانست به‌خشین نه‌رم ونیان وبه ئارامن
27- له‌كاتى خوا په‌رستى به خشوعن
28- له كاتى به‌ڵاو ناخۆشى ئارام ده‌گرن
29- ته‌نها هه‌وڵى رزقى حه‌ڵاڵ ده‌ده‌ن
30- نه‌فسیان قانیعه‌و زوو قه‌ناعه‌ت ده‌كه‌ن
31- داواكاریان كه‌مه
32- پارێزگارى له دینى خۆیان ده‌كه‌ن
33- شه‌هوه‌تیان كه‌مه‌و ڕقى خۆیان ده‌خۆنه‌وه‌و ده‌رى ناخه‌ن
34- چاوه‌ڕێى هه‌موو خێرێكیان لىَ ده‌كرێت
35- دووره له‌هه‌موو شه‌ڕوخراپه‌یه‌ك
36- ئه‌گه‌ر له خواى گه‌وره‌ش بێ ئاگا بێت به هۆی سه‌ر قاڵیه به‌كارى چاك
37- ئه‌و كه‌سه‌ى زووڵمى لێكردووه عه‌فوى ده‌كات ئه‌وكه‌سه‌ى شتى پێنا به‌خشێت ئه‌و پێی ده‌به‌خشێت
38- سه‌ردانى ئه‌و كه‌سانه‌ش ده‌كات كه سه‌ردانى ناكه‌ن
39- دووره له‌كارى قیزه‌ون و كارى وا ناكات كه لێى نه‌وه‌شێته‌وه
40- له هه‌موو كارێكى چاك ده‌بینرێت
41- ووته‌و گوفتارى نه‌رمه
42- كارى خێرى زۆر له به‌ر ده‌ستدایه
43- له كاتى خۆشى سوپاسگوزاره
44- دان به شتى حه‌ق ده‌نێت
45- پارێزگارى له ئه‌مانه‌ت ده‌كات و شت كه‌م له بیر ده‌كات
46- ناوو ناتۆره له خه‌ڵك نانێت
47- زه‌ره‌ر له جیران نادات
48- له كاتى به ڵاو مێیبه‌ت پرته‌و بۆڵه‌ى نایه‌ت
49- ناچێته ناو بیرو باوه‌رى بوچ له بیرو باوه‌رى حه‌قیش ناچێته ده‌ر
50- ئه‌گه‌ر بێده‌نگ بوو خه‌م له بێ ده‌نگى ناخوات
51- ئه‌گه‌ر پێبكه‌نێت ده‌نگى به‌رز ناكاته‌وه
52- نه‌فسى له ده‌ستى به ئازاره‌و خه‌ڵك له ده‌ستى به ئیسراحه‌تن