ماڵپەری قورئانی پیرۆز

نووسینى /نه‌جات رواندزى 

هه‌ر ملله‌تێک یان قه‌ومێک له‌ هه‌ر زه‌مانێک هاتبێت خواى گه‌وره‌ پێغه‌مبه‌رێکى بۆ ره‌وانه‌ کردوون یان هه‌ر هۆزه‌ک خێلێک ده‌بێت که‌سێکى هه‌بێت بۆ ئه‌وه‌ى بتوانێ رێگاو نه‌ریتى ئه‌م هۆزه‌یان نشان بدات یان رێبه‌ریان بکات بۆ ئومه‌تى پێغه‌مبه‌ر (صل الله علية وسلم ). بوو به‌ پێغه‌مبه‌ر بۆ ئوومه‌تێک که‌پێیان ده‌لێن ئوومه‌تى محمد (صل الله علية وسلم ) پێغه‌مبه‌رى ئێمه‌ که‌سێک بووه‌ که‌ خواى گه‌وره‌ زۆر باسى لێوه‌ ده‌کات 

و به‌شان وبالى دا هه‌ڵده‌دات وه‌ک ده‌فه‌رمووێت تۆمان ره‌وانه‌ کردوه‌ تا وه‌کو ره‌حمه‌ت و به‌رکه‌ت بیت به‌سه‌ر خه‌ڵکى دا ئه‌و پێغه‌مبه‌ره‌ نازداره‌ش به‌ وه‌فا بووه‌ بۆ گه‌له‌که‌ى له‌ زۆر شوێنان باسى ئومه‌تى خۆى ده‌کات یان دوعایان بۆ ده‌کات حه‌زناکات هیچ که‌س له‌ ئوومه‌تى ئه‌و بچێته‌ نا ئاگرى دۆزه‌خ , وه‌ زۆر هه‌وڵى ئه‌وه‌ى داوه‌ که‌ واجباتى یان فه‌رزى خوا سوک بکات له‌سه‌ر ئیمانداران وه‌ له‌ رۆژى دوایشدا شه‌فاعه‌ت بۆ خه‌ڵکى ده‌کات . بۆ وه‌سف کردنى پێغه‌مبه‌رى خوا (صل الله علية وسلم ) زۆرى ده‌وێت به‌م چه‌ند دێره‌ ته‌واو نابێت , به‌ڵام که‌وابوو که‌سێکى وه‌ها فیداکارى ملله‌ته‌که‌ى بێت بۆ ئێمه‌ش فیداکار نه‌بین بۆ رێباز و رێچکه‌ى ئه‌و بۆ هه‌وڵى قوربانى دان نه‌بین بۆئه‌و بۆ شوێن گره‌وه‌ى ئه‌و نه‌بین بۆ ریگایه‌که‌ى .