ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هه‌رچیت بۆ ده‌کرێت بیکه
ئةندازيار عوسمان
هه‌رکه‌سه‌و به‌پێى لێهاتن و تواناى خۆى چى بۆ ده‌کرێت با بیکات بۆ خزمه‌تى ئیسلام، ژیان کورته‌و مردنیش غه‌یبه‌و کوتوپڕ دێت، بۆیه بادانه‌نیشین و نه‌وه‌ستین، چونکه مردن وا به‌دوامانه‌وه‌یه‌و ئه‌گه‌ر لێشى غافڵ بین ئه‌وله ئێمه غافڵ نابێت، هه‌روه‌ک پیاوباشێک ده‌ڵێت: لاتقعدوا فراغا فان الموت یطلبکم.
ئه‌مه‌ش چه‌ند نموونه‌یه‌ک له بوارى هه‌وڵ و کۆششدا:
١-زه‌یدى کوڕى پابت که ته‌مه‌نى حه‌وت ساڵ بوو، حه‌زره‌ت (ص) لێى پرسى: سریانى ده‌زانى؟؟ وتى: نه‌خێر، فه‌رمووى: فێرى ببه، چونکه نووسراوم بۆ دێت به‌و زمانه .
زه‌ید ئه‌وه‌نده بلیمه‌ت و وریابوو ته‌نها به حه‌ڤده ڕۆژ فێرى زمانه‌که‌یان بوو !!
هه‌روه‌هافه‌رمانى دایه فێرى زمانى جووله‌که‌ش ببێت ، له پانزه ڕۆژدا ئه‌ویش فێر بوو!
٢-بوخارى به‌مناڵى کوێربوو دایکى ئه‌وه‌نده له خوا پاڕایه‌وه چاوى چاک بکاته‌وه، دوعاکه‌ى گیرا بوو چاک بووه‌وه، ته‌مه‌نى شانزه ساڵ بوو که مامۆستاکه‌ى ( ئيسحاق كوڕى ڕاهةوي ) له‌مه‌جلیسێکدا ئاواتى خواست که‌سێک ببوایه فه‌رمووده ڕاسته‌کانى حه‌زره‌تى کۆبکردایه‌ته‌وه، ئه‌میش له دڵى خۆیدا سوێندى خوارد که ئه‌و کاره مه‌زنه بکاو، خواى گه‌وره‌ش یارمه‌تیداوبه شانزه ساڵ کۆى کرده‌وه‌و تا قیامه‌ت صه‌حیحى بوخارى ڕۆڵى گه‌وره‌ى خۆى ده‌بینێت و ئه‌ویش خێرو چاکه ده‌چێته سه‌ر خه‌رمانى کرده‌وه‌کانى.
٣- له‌زه‌مانى صلاح الدین دا شارێکى موسوڵمانان ئابڵوق درابوو به‌که‌شتى خاچپه‌رستان، صلاح الدین یش بۆ ئه‌وه‌ى پاره‌و یارمه‌تی و نامه‌یان بۆ بنێرێ و هانیان بدات بۆ خۆگرى و نه‌خشه دانان، پێویستى به که‌سێک بوو ئه‌م کاره‌ى بۆ بکات، پیاوێک به‌ناوى عیسى که مه‌له‌وانێکى زۆر چاک بوو به‌م کاره هه‌ستاو، نامه‌و پاره‌و یارمه‌تى ده‌خسته نایلۆنه‌وه‌و ده‌یبه‌ست به پشتیه‌وه‌و به‌شه‌و به مه‌له به ژێر که‌شتى دوژمناندا ده‌ڕۆیشت و شته‌کانى ده‌گه‌یانده موسوڵمانان. تا شه‌وێک له ئاوه‌که‌دا به‌ڵایه‌کى بۆ بوو شه‌هید بوو، زۆر چاوه‌ڕێیان کرد دیارنه‌بوو پاش سێ ڕۆژ لاشه‌که‌ى سه‌ر ئاو که‌وت و موسوڵمانان ده‌ریان هێنا، خواى گه‌وره ویستى وابوو به مردوویش ئه‌مانه‌تیه‌کانى بگه‌یه‌نێت !!
٤_ئافره‌تێکى باڵا پوَش له پێشبڕکێى (كضى ئةمريكا) دا یه‌که‌م ده‌رچوو، به‌وه‌ى له‌زۆر لایه‌نى زانستى وخووڕه‌وشتدا یه‌که‌م بوو، به‌مه توانى وێنه‌یه‌کى جوان وێنا بکات له باره‌ى ئیسلام و ئافره‌تى باڵا پۆشه‌وه. له چاوپێکه‌وتنێکدا له باره‌ى باڵا پۆشیه‌وه پرسیاریان لێکرد، له‌وه‌ڵامدا وتى: به‌لاى ئێمه‌وه ئافره‌ت گه‌وهه‌رێکى زۆر به‌نرخه‌و ده‌یپارێزین بۆ ئه‌وه‌ى نه‌دزرێت (المختار الاسلامى.كوم).
به کورتى و به کوردى ئه‌م ئایینه هه‌ر له‌به‌ره‌به‌یانى ئیسلامه‌تیه‌وه ئیعلانى کردووه که‌ئاینێکى جیهانییه‌و بۆ هه‌موو به‌شه‌رییه‌ته [ إِنْ هُوَ إِلَّا ذِكْرٌ لِّلْعَالَمِينَ، وَلَتَعْلَمُنَّ نَبَأَهُ بَعْدَ حِينٍ] ص٨٧-٨٨، بۆیه عوزرو بیانووى بۆ که‌س نه‌هێشتۆته‌وه‌و ئه‌گه‌ر تاقه ئایه‌تێکیش بزانێت ده‌بێت بیگه‌یه‌نێت، حه‌زره‌ت (ص) ده‌فه‌رموێت ( بلغوا عني ولو آية ).