ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ته‌فسیرى سوڕه‌تى نه‌صر ژماره 110
نوسینى : د.عائض عبدالله القرنى
وه‌رگێڕانى : نـه‌وا محمد سعید
له مه‌ککه دابه‌زیوه‌و سێ ئایه‌ته
به‌ناوى خواى به‌خشنده‌ى میهره‌بان
[ إِذَا جَاء نَصْرُ اللَّهِ وَالْفَتْحُ [النصر : 1]]
هه‌ر که به‌سه‌ر بێ باوه‌ڕان سه‌رکه‌وتی و به‌سه‌ریاندا زاڵ بوى و، خه‌ڵک ئایینه‌که‌ى تۆیان گرت و، خوا به‌سه‌رکه‌وتنه‌کانى ده‌روى لێ کردیه‌وه‌و، دڵ و گوێچکه و چاوه‌کانتى بۆ کردیه‌وه‌و، مه‌ککه و گشت شاره‌کانى بۆت ڕزگار کرد.
[ وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجاً [النصر : 2]]
که‌بینیت خه‌ڵک، کۆمه‌ڵ کۆمه‌ل وابه‌ره‌و ئیسلام دێن و، هۆزه‌کان دێنه لات په‌یمان ده‌ده‌ن و، وه‌فده‌کان یه‌ک له دواى دێن و، عه‌ره‌ب و غه‌یره عه‌ره‌ب ملکه‌چت بون.
[ فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّاباً [النصر : 3]]
هه‌ر که ئه‌مه هاته‌دى؛ ئه‌وا نیشانه‌ى نزیکبونه‌وه‌ى ئاکامى مردنته، که‌واته خۆت ئاماده بکه بۆ گه‌یشتن به دیدارى خوا، ئه‌مه‌ش به زۆر زیکرو یادکردنى خوا دێته دى، چونکه زیکرو ویرد، توێشوى پیاو چاکانه، به‌سوپاس و ستایشکردنى خوا به‌رده‌وام به بۆ پاک ڕاگرتنى، به پاکڕاگرتنى ئه‌و، بێ خه‌وشى ئه‌و ده‌گه‌یه‌نێ، سوپاس وستایشکردنى؛ چه‌سپاندنى شته باشه‌کانیه‌تى، زۆر داواى لێخۆشبون بکه، تا هه‌ر که‌م و کورتیه‌ک، یان هه‌ڵه‌یه‌ک ڕویداوه، پڕیبکاته‌وه، به‌ڕاستى به داواى لێخۆشبون کردن؛ به‌هره و نیعمه‌ته‌کان به‌رده‌وام ده‌بن و،نه‌گبه‌تیه‌کان ده‌ڕه‌ونه‌وه، خوداش ته‌وبه له‌و که‌سانه وه‌رده‌گرێ، که ده‌گه‌ڕێنه‌وه، چونکه خوا لێخۆشبه‌رى گوناهانه‌و، که‌م و کورت داپۆشه، ئه‌وه‌ى بگه‌ڕێته‌وه، وه‌ریده‌گرێت، خلیسکان له گوناهان ده‌سڕێته‌وه‌و، له گوناهان چا و پۆشى ده‌کات.